मंगलबार नेप्सेले पत्रकार सम्मेलन गरी पुर्व निर्धारित समयमा अनलाईन कारोबारको परीक्षण सुरु गर्न नसकिएको बताएको थियो । यस लगत्तै फोरमले विज्ञप्ति जारी गर्दै कात्तिक २१ देखि अनलाइन ट्रेडिङ संचालनमा ल्याउने भनी गरिएको निर्णय कार्यान्वयन नहुँदा आम लगानीकर्ताको विश्वासमाथि गम्भीर चोट पुगेको बताएको छ ।
'पूर्व घोषित मिति बमोजिम नियमनकारी निकायहरूको निर्णय कार्यन्वयन नहुने हो भने यसले पुँजी बजार विकास र विस्तारमा बाधा पर्ने देखिएको हुँदा सीघ्र अनलाइन कारोबार प्रणाली संचालनमा ल्याउन जोडदार माग गर्दछौं ।' फोरमद्वारा जारी विज्ञप्तिमा भनिएको छ ।
साथै नेपाल धितोपत्र बोर्डले हकप्रद शेयरको आवेदनमा आस्वा प्रणाली अवलम्बन गर्ने भनी गरिएको निर्णयको फोरमले स्वागत गरेको छ । सेयर लिलामीको आवेदन राजधानी बाहिरका शहरहरुबाट पनि संकलन गर्ने बोर्डको निर्णयप्रति फोरमले आभार प्रकट गरेको छ ।
त्यस्तै धितोपत्र दलाल व्यवसायीहरू मार्फत लगानीकर्ताहरूमा मार्जिन कारोबारको सुबिधा उपलब्ध गराउने तथा नेप्सेले उपसमुह अलग गराउने कामको भने फोरमले सरहाना गरेको छ ।
