चुक्ता पूँजी १७ करोड रुपैयाँ रहेको माइक्रोफाइनान्सले जगेडा कोषमा नौ करोड १३ लाख रुपैयाँ सञ्चित छ । समिक्षा अवधिसम्म माइक्रोफाइनान्सले ६१ करोड ७३ लाख रुपैयाँ निक्षेप संकलन र बैंकहरुबाट ७८ करोड ८६ लाख सापटी लिएर एक अर्ब ५४ करोड ८६ लाख रुपैयाँ कर्जा परिचालन गरेको छ ।
अघिल्लो बर्ष भन्दा ३३.७२ प्रतिशतले ब्याज आम्दानी वृद्धि गरेको माइक्रोफाइनासको ब्याज खर्च १०३.१३ प्रतिशतले बढोत्तरी हुँदा खुद ब्याज आम्दानी अघिल्लो बर्षको तुलनामा घट्न पुगेको देखिन्छ । गत बर्ष लघुवित्तले ११ करोड ३५ लाख खुद ब्याज आम्दानी छ भने अघिल्लो बर्ष उसले ११ करोड ९७ लाख रुपैयाँ खुद ब्याज आम्दानी गरेको थियो ।
माइक्रोफाइनान्समा निष्कृय कर्जा ०.६८ प्रतिशत छ । त्यस्तै प्रति सेयर आम्दानी २३ रुपैयाँ ५५ पैसा छ । मूल्य आम्दानी अनुपात ५४.१५ गुणा रहेको माइक्रोफाईनान्सको प्रति सेयर नेटवर्थ १५३ रुपैयाँ ७५ पैसा रहेको छ ।
