यस अवधिमा लघुवित्तको निक्षेप संकलन बृद्धि भएर २२ करोड ७५ लाख रुपैयाँ पुगेको छ । यो अघिल्लो आर्थिक वर्षको तुलनामा १२ करोड ४४ लाख रुपैयाँले बढी हो । अघिल्लो आर्थिक वर्षको चौथो त्रैमास सम्ममा लघुवित्तले १० करोड ३१ लाख रुपैयाँ निक्षेप संकलन गरेको थियो ।
लघुवित्तले निक्षेप संकलन र ४१ करोड ५५ लाख रुपैयाँ कर्जा सापटी लिएर ६७ करोड ६८ लाख रुपैयाँ कर्जा लगानी गरेको छ ।
यस्तै ९ करोड १६ लाख रुपैयाँ व्याज आम्दानी गरेको लघुवित्तले ५ करोड ८ लाख रुपैयाँ व्याज बापत खर्च गरेर ४ करोड ८ लाख रुपैयाँ खुद व्याज आम्दानी गरेको छ ।
चुक्ता पूँजी १० करोड रुपैयाँ रहेको लघुवित्तको जगेडा कोषमा २ करोड ६ लाख रुपैयाँ संचित छ । लघुवित्तको खराव कर्जा अनुपात १.२३ प्रतिशत रहेको छ ।
लघुवित्तले गत असार २२ देखि २५ गतेसम्म सर्वसाधारणकोलागि ३ लाख ७५ हजार कित्ता शेयर निष्काशन गरी असार ३० गते बाँडफाँड गरेको थियो।
आईपीओ पश्चात लघुवित्तको चुक्ता पूँजी १० करोड रुपैयाँ पुगेको छ भने संस्थापक साधारण शेयर अनुपात ६०ः४० कायम भएको छ। लघुवित्तकाे भदौ ९ गते सोमबार देखि नेप्सेमा शेयर कारोबार भएको हाे ।
