स्वरोजगारको २० प्रतिशत बोनस सुरक्षित गर्ने अन्तिम दिन

Sep 20, 2018 Merolagani

स्वरोजगार लघुवित्त (SLBBL) को २० प्रतिशत बोनस सुरक्षित गर्ने बिहीबार अन्तिम दिन रहेको छ । साधारण सभाका लागि कम्पनीले असोज ५ गतेदेखि सेयरधनी दर्ता पुस्तिका बन्द गर्ने भएकाले असोज ४ गते बिहीबारसम्म कायम सेयरधनीले मात्र बोनस प्राप्त गर्नेछन् ।

स्वरोजगारको साउन ३१ गते बसेको सञ्चालक समितिको बैठकले लाभांश प्रस्ताव गरेकाे थियाे ।  

कम्पनीले आर्थिक बर्षको नाफाबाट २० प्रतिशत अर्थात दुई करोड ४४ लाख ९९ हजार ५५२ रुपैयाँ बोनस शेयर र कर प्रयोजनको लागि १.०५२६ प्रतिशत नगद लाभांश अर्थात १२ लाख ८९ हजार ४५० रुपैयाँ वितरण गर्ने प्रस्ताव गरेको छ ।

सो बोनस पारित गर्न कम्पनीले यहि असोज २० गते बिहान ११ः३० बजे सी डब्लु रेस्टुरेन्ट कमलादीमा दशौं बार्षिक साधारण सभा डाकेको छ । सभाले ३ जना प्रवर्धक सञ्चालकहरुको निर्वाचन र प्रबन्धपत्र तथा नियमावलीमा संशोधन पनि गर्नेछ । 

लघुवित्तले गत आर्थिक बर्षमा तीन करोड ६५ लाख रुपैयाँ खुद नाफा गरेर प्रतिशेयर आम्दानी २९ रुपैयाँ ८६ पैसा कायम गरेको थियो । बिहीबार लघुवित्तकाे सेयरमूल्य प्रतिकित्ता  ८४२ रूपैयाँ हाराहारीमा काराेबार भैरहेकाे छ ।


comments powered by Disqus

हिमाल दोलखाको आईपीओ बाँडफाँड, निष्काशित सबै शेयर बिक्री नहुँदा चार प्रत्याभूतिकर्ताको थाप्लोमा

Aug 22, 2019 07:57 PM

हिमाल दोलखा हाइड्रोपावर (HIMAL) ले निष्काशन गरेको साधारण शेयर बिहीबार बिक्री प्रबन्धक ग्लोबल आईएमई क्यापिटलको कार्यालयमा बाँडफाँड भएको छ। आईपीओमा आवेदन गरेका सबै लगानीकर्ताले माग अनुसारको नै शेयर प्राप्त गरेका छन् भने निष्काशित सबै शेयर बिक्री नहुँदा चार प्रत्याभूतिकर्ताले बाँकी शेयर सकार्नुपर्ने अवस्था आएको छ ।