माइक्रोफाइनान्सले गत आवको प्रथम त्रैमासिक अवधिमा रहेको ६ करोड ७८ लाख रुपैयाँको खुद नाफालाई ८ करोड ४ लाखमा बढोत्तरी गरेको छ जुन गत वर्षको तुलनामा एक करोड २६ लाख रुपैयाँ बढी हो ।
अघिल्लो वर्षको नाफाबाट ५० प्रतिशत बोनस वितरण गरेको यस माइक्रोफाइनान्सको पूँजी ३० करोड पुगेको छ भने जगेडा कोषमा ८१ करोड ८९ लाख रुपैयाँ सञ्चित रहेको छ । समीक्षा अवधिमा माइक्रोफाइनान्सले १० करोडले चुक्ता पूँजी तथा १५ करोड १३ लाखले जगेडा कोष बढाएको हो।
तीन अर्ब ३९ करोड निक्षेप संकलन र ४ अर्ब १० करोड सापटीबाट ८ अर्ब ११ करोड रुपैयाँ कर्जा विस्तार गरेको यस माइक्रोफाइनान्सले १८ करोड ८ लाख रुपैयाँ खुद ब्याज आम्दानी गरेको छ । माइक्रोफाइनान्सको सञ्चालन नाफा १२ करोड ६३ लाख रहेको छ ।
समिक्षा अवधिमा कम्पनीले निक्षेप ५५ करोड ६१ लाख, सापटी ३७ करोड ७० लाख र कर्जा परिचालन एक अर्ब ८१ करोड २७ लाख रुपैयाँले बढाएको हो ।
त्यस्तै खुद ब्याज आम्दानी २ करोड ४७ लाख र सञ्चालन नाफा एक करोड ९७ लाखले बढेको छ । संस्थाले अपेक्षाभन्दा बढी ब्याजखर्च बढेका कारण ब्याज आम्दानी गत आवको तुलनामा वृद्धि हुन नसकेको जनाएको छ ।
खराब कर्जा अनुपात ०.६१ प्रतिशत रहेको यस माइक्रोफाइनान्सको प्रतिशेयर आम्दानी १०७ रुपैयाँ १८ पैसा रहेको छ । गत वर्ष कम्पनीको प्रतिशेयर आम्दानी १३५ रुपैयाँ ६६ पैसा रहेको थियो ।
प्रतिशेयर नेटवर्थ ३७२ रुपैयाँ ८३ पैसा रहेको माइक्रोफाइनान्सको मूल्य आम्दानी अनुपात १८ गुणा बढी रहेको छ ।
ग्रामिण महिला उत्सुकता विकास मञ्च गैरसरकारी संस्थाबाट लघुवित्तमा रुपान्तर भएको तथा एभरेष्ट बैंक तथा आरएमडिसी लघुवित्तको समेत लगानी रहेको याे कम्पनी विगतदेखि नै प्रगतिउन्मुख रहँदै आएको छ ।
माइक्रोफाइनान्सले ३६ जिल्लामा १११ शाखा कार्यालय मार्फत दुई लाख ३१ हजार सदस्यहरुमा लघुवित्त सेवा प्रदान गर्दै आइरहेको छ ।
