जोशी हाइड्रोपावर डेभलपमेन्ट कम्पनीले गत जेठमा आयोजना प्रभावित क्षेत्र इलामका स्थानीय र गत मंसिरमा आम सर्वसाधारणहरुलाई गरि जारी पूँजीको ४९ प्रतिशत अर्थात १८ लाख १९ हजार ८६० कित्ता शेयर बिक्री गरेको थियो ।
जोशी हाइड्रोपावरले जेठमा इलामका स्थानीयका लागि ३ लाख ७१ हजार ४०० कित्ता साधारण शेयर बिक्रीमा ल्याएको थियो । सो आइपिओमा एक लाख २९ हजार ३९० कित्ता शेयर मात्र बिक्री भएको थियो भने दुई लाख ४२ हजार १० कित्ता शेयर अवितरित भएको थियो ।
यसपश्चात गत मंसिरमा इलामका स्थानीयका लागि निष्काशन गरेर अवितरित भएको सहित १६ लाख ९० हजार ४७० कित्ता शेयर सर्वसाधारणमा बिक्री गरि मंसिर २५ गते बाँडफाँड गरेको थियो ।
चुक्ता पुँजी ३७ करोड १४ लाख रुपैयाँ भएको यस कम्पनीले इलामका स्थानीयका लागि जारी पूँजीको १० प्रतिशत र सर्वसाधारणको लागि ३९ प्रतिशत गरि कूल ४९ प्रतिशत शेयर बिक्री गरे पूँजी संकलन गरेको छ । चुक्ता पूँजीको बाँकी ५१ प्रतिशत शेयर स्वामित्व संस्थापकका छ ।
जोशी हाइड्रोपावरले इलामको पुवाखोलामा पहिलो आयोजनाको रुपमा २०७१ माघ १ गतेबाट ३ मेगावाटको अपर पुवा १ आयोजना सञ्चालनमा सञ्चालन गरिरहेको छ। कम्पनीले उक्त आयोजनाबाट व्यवसायिक रुपमा विद्युत उत्पादन गर्दै आएको छ ।
जोशी हाइड्रोपावर डेभलपमेन्ट कम्पनीले आईपिओ निष्काशन गर्न सार्वजनिक गरेको आह्वानपत्र (विवरणपत्र) मा यस कम्पनीमा गरिएकाे लगानी उठाउन ११ वर्ष समयावधि लाग्ने कम्पनीले प्रक्षेपण प्रकाशन गरेकाे थियाे ।
जोशी हाइड्रोपावरले इलामको पुवाखोलामा सञ्चालन गरिरहेको तीन मेगावाट क्षमताको अपर पुवा १ जलविद्युत आयोजनाको कूल लागत ५५ करोड ३५ लाख रुपैयाँ लाग्ने उल्लेख छ । यो लागत अनुसार यस आयोजनाको प्रति मेगावाट लागत १८ करोड ४५ लाख रुपैयाँ हुन आउँछ ।
यस्ता छन् आयोजनामा लगानी गर्ने मुख्य लगानीकर्ता
अपर पुवा १ जलविद्युत आयोजनाको मुख्य लगानीकर्तामा गंगाप्रसाद जोशी, विरेन्द्रबहादुर न्यौपाने, माधव कार्की, रुकमणि राजभण्डारी, शशी कार्की, शिवरतन शारदा, रञ्जना दाहाल रहेका छन् ।
सम्बन्धित समाचारहरू:-
जोशी हाइड्रोपावरको आईपिओ बाँडफाँड, कसलाई कति कित्ता ?
जोशी हाइड्रोको १७ करोडको आईपिओ मंसिर १६ गतेदेखि खुल्ने, रेटिङ्ग अत्यन्त कमजोर
जोशी हाइड्रोको १६ करोड ९० लाख बराबरको आईपिओ आउने
आईपिओ पनि बिक्न छाड्यो, जोशी हाइड्रो ६५% बेच्न असफल
जोशी हाइड्रोपावरको तीन लाख ७१ हजार कित्ता साधारण सेयर खुल्यो
जोशी हाइड्रोपावरले जेठ ८ गतेदेखि आइपिओ निष्काशन गर्ने
