लघुवित्त कम्पनीको माघ १ गते मंगलबार नेप्सेमा प्रतिकित्ता एक हजार ८७ रुपैयाँमा शेयर कारोबार भएको छ ।
लघुवित्तले माघ १८ गते कृषि विकास बैंकको केन्द्रीय तालिम प्रतिष्ठान, बोडे भक्तपुरमा बिहान ११ बजे सत्रौं वार्षिक साधारण सभा आह्वान गरेको हो ।
सत्रौं वार्षिक साधारण सभामा साना किसानले गत वर्षको कमाईबाट २५ प्रतिशत बोनस र १.३१७ प्रतिशत नगद लाभांश गरि कूल २६.३१७ प्रतिशत लाभांश वितरण गर्ने विशेष प्रस्ताव पारित गर्दैछ । सभाले ४ जना सञ्चालक निर्वाचन गर्ने कार्यक्रम समेत रहेको छ ।
सभाबाट अनुमोदन भएपछि कम्पनीले १५ करोड ७२ लाख ६ हजार ९८२ रुपैयाँ बोनस र कर प्रयोजनका लागि ८२ लाख ७४ हजार ५१ रुपैयाँ नगद लाभांश शेयरधनीलाई बाँड्नेछ ।
हाल ६२ करोड ८८ लाख २७ हजार ९२९ रुपैयाँ रहेको साना किसानको बोनस वितरणपछि ७८ करोड ६० लाख ३४ हजार ९११ रुपैयाँ चुक्ता पूँजी पुग्नेछ ।
साना किसानले चालु आर्थिक वर्षको पहिलो त्रैमासमा १२ करोड २४ लाख ५४ हजार रुपैयाँ खुद नाफा कमाएर प्रतिशेयर आम्दानी ७७ रुपैयाँ ८८ पैसा कायम गरेको छ ।