गत बिहीबारबाट सुरु भएको मुद्दामाथिको सुनुवाइमा निवेदक तर्फबाट प्रतिनिधित्व गरेका कानुन व्यवसायीले मगंलबार बहस गरेका थिए । मंगलबार नै विपक्षी ठूला करदाता कार्यालयका तर्फबाट सरकारी वकिलले पनि बहस थालेका थिए ।
दुवै पक्षको बहस पछि बुधबार निवेदक र बिपक्षी दुबैका कानुन व्यवसायीले स्पष्ट पार्नुपर्ने विषयमा आफ्ना धारणा बेञ्च समक्ष राखेका थिए ।
द्वारिकानाथ ढुङ्गेलका कानुन व्यवसायीले एनसेलले नै लाभकर तिर्नुपर्ने पक्षमा बहस गरेका थिए भने एनसेलका तर्फबाट अदालत पुगेका कानुन व्यवसायीले स्वामित्व हस्तान्तरण गर्ने टेलियासोनेराबाट लाभकर असुल गर्नुपर्ने जिकिर गरेका थिए ।
स्वीडिस कम्पनी टेलिया सोनेराले २०७२ पुस ९ गते एनसेलको ८० प्रतिशत शेयर मलेसियाको आजियाटा कम्पनीलाई बेचेको थियो । उक्त खरिद बिक्रीमा नेपालले ६० अर्ब ७१ करोड कर उठाउन बाँकी थियो ।