शुक्रबार मध्यान्ह १२ः३० बजे एक्जिएटा कम्पनी बुर्सा मलेसियामा सबैभन्दा धेरै गुमाउने आठौँ कम्पनीका रुपमा दर्ता भएको थियो । त्यतिबेला ७० लाख ३ शेयर आरएम (मलेसियन मुद्रा) ३.७१ मा कारोबार भइरहेको थियो ।
लामो विवाद पछि माघ २३ गते बुधबार नेपालस्थित सर्वाेच्च अदालतको संयुक्त इजलाशले एनसेल बिक्रीमा पूँजीगत लाभकर उठाउने बारे निर्णायक निर्णय लिएको थियो । प्रधानन्यायाधीश चोलेन्द्रशम्शेर राणासहित पाँच न्यायाधीशको पूर्ण इजलाशले गरेको परमादेशमा एक्जिएटा कम्पनी र एनसेलबाटै पुँजीगत लाभकर उठाउन भनिएको छ ।
स्वीडिस कम्पनी टेलिया सोनेराले २०७२ पुस ९ गते एनसेलको ८० प्रतिशत शेयर मलेसियाको एक्जिएटा कम्पनीलाई बेचेको थियो । उक्त खरिद बिक्रीमा नेपालले ६० अर्ब ७१ करोड भन्दा धेरै कर उठाउन बाँकी थियो ।
