कम्पनीले सार्वजनिक गरेको वित्तीय विवरण अनुसार पुस मसान्तसम्ममा कम्पनीको बिद्युत्त बिक्रीको आम्दानी घट्दा खुद नाफा एक करोड ५९ लाख २६ हजार रुपैयाँले घटेको छ ।
गत आवको यसै अवधिमा ३ करोड ४० लाख रुपैयाँ खुद नाफा आर्जन गरेको सिनर्जी पावरले चालू आवको ६ महिना अवधिमा ४६.८४ प्रतिशत कम एक करोड ८० लाख मात्र खुद नाफा अार्जन भएकाे छ ।
कम्पनीले नाफा बढाउन नसक्दा कम्पनीको जगेडा नोक्सानी ११ करोड ७९ लाख ४७ हजार रहेको छ । गत आवको यसै अवधिमा पनि कम्पनी ११ करोड ८० लाख ३४ हजारले जगेडा कोष ऋणात्मक रहेको थियो ।
हाइड्रो पावरको विद्युत बिक्री मार्फतको आम्दानी घटेसँगै कम्पनीको नाफामा गिरावट देखिएको हो । यस अवधिमा कम्पनीको बिद्युत बिक्री मार्फतको आम्दानी १२.८० प्रतिशतले घटेको छ । गत वर्ष विद्युत बेचेर १३ करोड २ लाख ९३ हजार रुपैयाँ आम्दानी गरेको कम्पनीले चालु आर्थिक वर्षको दोस्रो त्रैमासमा विद्युत बेचेर ११ करोड ३६ लाख २० हजार रुपैयाँ आम्दानी गरेको छ ।
त्यस्तै अन्य स्रोत मार्फतको आम्दानी पनि ५१.८२ प्रतिशतले घटेको छ । गत वर्षको यसै अवधिमा अन्य स्रोत मार्फत ५ लाख २ हजार आम्दानी गरेको कम्पनीले चालु आर्थिक वर्षको दोस्रो त्रैमासमा २ लाख ४२ हजार मात्र आम्दानी गरेको छ ।
यस अवधिमा कम्पनीको सञ्चालन खर्च घटेपनि प्रशासनिक खर्च र अन्य खर्चमा भने बढोत्तरी देखिएको छ । कम्पनीको सञ्चालन खर्च ३५ लाख ३४ हजारबाट घटेर २७ लाख ७९ हजारमा झरेको छ भने प्रशासनिक र अन्य खर्च भने ३१ लाख ७२ हजारबाट बढेर ४३ लाख ३६ हजार पुगेको छ ।
त्यस्तै कम्पनीले ९८ लाख ४२ हजार व्यक्तिगत खर्च र ७८ लाख ८४ हजार अन्य खर्च गरेको छ भने ४ करोड ४३ लाख रुपैयाँ बराबरको वित्तीय खर्च गरेको छ ।
चुक्ता पूँजी ७० करोड रहेको कम्पनीको गत वर्ष ९ रुपैयाँ ७२ पैसा प्रतिशेयर आम्दानी गरेको कम्पनीले चालु आर्थिक वर्षको दोस्रो त्रैमासमा ५ रुपैयाँ १७ पैसामा झरेको छ । कम्पनीको प्रतिशेयर नेटवर्थ ८३ रुपैयाँ १५ पैसा छ ।
