साधारण सभा प्रयोजनका लागि बैंकले बैशाख १० गते मंगलबारदेखि बुक क्लोज गर्ने निर्णय गरेको छ। जस अनुसार बैंकको साधारणसभामा भाग लिन र लाभांश पाउन बैशाख ९ गतेसम्म शेयरधनी कायम हुनुपर्नेछ ।
साधारणसभाले आर्थिक वर्ष २०७३/७४ को मुनाफाबाट १०.२५ प्रतिशत बोनस शेयर तथा ०.५४ प्रतिशत नगद लाभांश वितरण गर्ने प्रस्ताव पारित गर्ने छ ।
त्यस्तै आर्थिक बर्ष ७४/७५ को मुनाफाबाट ४.०५ प्रतिशत नगद लाभांश वितरण गर्ने प्रस्ताव पनि सभामा पेश हुनेछ ।
मर्जर र एक्विजिसनको लागि आवश्यक पर्ने सम्पूर्ण कार्य गर्नको लागि संचालक समितिलाई अख्तियारी दिने प्रस्ताव पनि साधारणसभामा पेश हुनेछ । त्यस्तै सभाले प्रबन्धपत्र तथा नियमावली संसोधन गर्ने छ । बैंकले संस्थापक शेयरधनीको तर्फबाट ३ र सर्बसाधारणका तर्फबाट ३ जना गरी ६ जना संचालक निर्वाचन समेत गर्ने भएको छ ।
हाल बैंकको चुक्ता पूँजी ७ अर्ब २५ करोड ९३ लाख छ प्रस्तावित लाभांश वितरणपछि बैंकको चुक्ता पूँजी ८ अर्ब नाघ्ने छ ।
