नेप्से र कारोबारमा बढोत्तरी, यो बर्षकै उच्च कारोबार हुँदा नयाँ उचाईमा नेप्से

Apr 28, 2019 Merolagani

आइतबार शेयर बजार मापन गर्ने नेप्से परिसूचक २२.३९ अकंले बढेर १३१४.५१ विन्दुमा पुगेको छ । नयाँ बर्ष लागेयता निरन्तर बढेको बजार नयाँ उचाईमा पुगेको हो । यस्तै कारोबारमा देखिएको लगातारको वृद्धि कायमै रहदा यो बर्षकै उच्च कारोबार भएको छ ।

आइतबार कारोबारमा आएका १७६ कम्पनीको ४९ लाख २१ हजार ८४ कित्ता शेयर एक अर्ब ६७ करोड ५९ लाख रुपैयाँ खरिद बिक्री भएको छ । कारोबार रकम गत विहीबारको तुलनामा ३२ करोड बढी हो । गत विहीबार एक अर्ब ३५ करोड बढीको शेयर किनबेच भएको थियो ।

आइतबार कारोबारमा आएका दश उपसमूह मध्ये आठ वटा समूहको सूचक सकारात्मक भएका छन् भने दुई वटा उपसमूहको सूचक नकारात्मक भएका छन् ।

आइतबारको कारोबारमा जीवन बीमा समूहको कम्पनीका शेयरमा लगानीकर्ताको चाप बढेको देखिन्छ । जीवन बीमा समूहको सूचक सबै भन्दा धेरै ६२९.३८ अकले बढेको छ भने र्निजीवन बीमा समूहको सूचक ४६२.७९ अंकले बढेको छ ।

त्यसैगरी लघुवित्त ९१.०८, होटल ९०.४, जलविद्युत ६२.५८, उत्पादन तथा प्रशोधन ४६.३७, विकास बैंक ६.१ र अन्य समूहको सूचक ५.६३ अंकले बढेको छ । यता बैंकिङ्ग समुहको सूचक ९.०२ अंकले घटेको छ भने वित्त समूहको सूचक ०.६८ अंकले घटेको छ । 

आइतबार समग्र बैंकिङ्ग समूहको सूचक घटेको अवस्थामा नेपाल बैंकको शेयर कारोबर भने सबै भन्दा धेरै भएको छ । बैंकको ७ लाख १५ हजार ५३८ कित्ता शेयर २३ करोड १९ लाख रुपैयाँ किनबेच भयो ।

यस दिनको कारोेबारमा ७ वटा कम्पनीको शेयर मूल्य बढेर सर्किट ब्रेक लागेको छ । जुन राष्ट्रिय बीमा कम्पनीको, आरएमडिसि लघुवित्त, एशियन लाईफ इन्स्योरेन्स, डिप्रोक्स लघुवित्त, किसान माइक्रोफाइनान्स र विजय लघुवित्तको शेयर मूल्यमा सर्किट ब्रेक लागेको छ ।
आइतबार सनराइज बैंकको शेयर मूल्य सबै भन्दा धेरै ४.०४ प्रतिशतले घटेको छ

 


comments powered by Disqus

'सरकारले सामाजिक सुरक्षा कोषमा रहेको पैसा श्रमीक र उद्योगकै रिजेनेरेट गर्न प्रयोग गर्नुपर्छ'

Apr 05, 2020 03:02 PM

सरकारले अहिले उद्योगधन्दाको विषयमा जुन काम गरेको त्यो पर्याप्त छैन। यसको असर कम्तिमा एक डेढ वर्षसम्म पर्छ। यो अहिले नै सकिने इम्प्याक्ट होइन। देशको एउटा मात्र उद्योगमा असर परेको हैन यो सबै उद्योगमा असर परेको हो। नेपालमा मात्र हैन अन्तराष्ट्रिय क्षेत्रमा समेत सानादेखि ठुला सबै उद्योगमा यसको असर परेको छ।