बिग मर्जरको चर्चाले बाणिज्य बैंकहरुको कारोबार बढ्यो, नेप्से १५ अंक उक्लियो

Jul 03, 2019 04:10 PM merolagani

बिग मर्जरको चर्चाले शेयर बजारमा बाणिज्य बैंकहरुको शेयर कारोबार बढेकोे छ । अधिकांश बाणिज्य बैंकहरुको शेयरमूल्य बढेर उच्च कारोबार हुँदा नेप्से परिसूचक दोहोरो अंकले उकालो लागेको छ भने कारोबार रकममा समेत बढोत्तरी आएको छ ।

साताको चौथो दिन बुधबार कारोबार रकम अघिल्लो दिनको तुलनामा १३ करोड रुपैयाँले बढेर ५५ करोड रुपैयाँ पुगेको छ भने नेप्से परिसूचक पनि १५.६२ अंकले बढेर १२६८.६८ विन्दुमा पुगेको छ ।

सो दिन नेपाल बैंकको शेयरमूल्य बढेर सबैभन्दा बढि कारोबार भयो । नेपाल बैंकको सबैभन्दा धेरै ४ करोड ५३ लाख रुपैयाँ शेयर किनबेच भयो ।

यस्तै सेञ्चुरी कमर्शियल बैंक, मेगा बैंक, प्रभु बैंक र सिभिल बैंकको पनि ३ करोड रुपैयाँभन्दा बढिको शेयर कारोबार भएको छ । बुधबार उच्च कारोबार गर्ने १० कम्पनीमध्ये ९ वटा बाणिज्य बैंक रहेका छन ।

बुधबार लघुवित्त कम्पनीहरुको शेयरमूल्यउच्च रुपले बढेको छ । सो दिन सुर्योदय लघुवित्तको शेयरमुल्य ८.१० प्रतिशतले बढेको छ । स्वाभिमान लघुवित्तको शेयर मूल्य पनि ६.७६ प्रतिशतले बढेको छ । त्यस्तै गणपति माइक्रोफाइनान्सको शेयरमूल्य झण्डै ६ प्रतिशतले बढेको छ । प्रोडेन्सियल इन्स्योरेन्स, रिडि हाइड्रोपावर फस्र्ट माइक्रोफाइनान्स, राष्ट्रिय बीमा कम्पनीको संस्थापक शेयर र बेष्ट फाइनान्सको शेयमूल्यपनि ५ प्रतिशत भन्दा धेरैले बढेको छ ।

त्यसैगरी रिलायन्स फाइनान्सको शेयरमूल्य सबैभन्दा धेरै ६ प्रतिशतले घटेको छ भने ङादिग्रुपपावर,युनियन हायड्रोपावर र रैराड. हाइड्रोपावरको शेयरमुल्यपनि ४ प्रतिशतभन्दा धेरैले घटेको छ ।

बुधबार कारोबारमाआएका सबै उपसुचक सकारात्मक बन्दा लगानीकर्ता थप आशाबादि बनेका छ । सो दिन निर्जिवन बीमा र माइक्रोफाइनान्सको उपसूचक सबैभन्दा धेरै १.५७ प्रतिशतले बढेको छ भने जिवन बीमा उपसमूहपनि १.५७ प्रतिशतले बढेको छ ।


comments powered by Disqus

के.सि.एल. अस्ट्युट क्यापिटललाई निक्षेप सदस्यता अनुमति

Aug 25, 2019 06:31 PM

के.सि.एल. अस्ट्युट क्यापिटल लिमिटेडले केन्द्रीय निक्षेप प्रणाली (सिडिएस एण्ड क्लियरिङ्ग लिमिटेड) बाट निक्षेप सदस्यता अनुमति पाएको छ। कम्पनीले सिडिएससीबाट भदौ ३ गतेदेखि लागू हुनेगरी निक्षेप सदस्य परिचयपत्र नं १३०१७६०० सहित निक्षेप सदस्य (डिपी) को लागि अनुमतिपत्र प्राप्त गरेको हो।