आइतबार करिब एक अंकले बढेको शेयर बजार परिसूचक नेप्से सोमबार ५ अंक बढीले उकालो लागेको छ । सोमबार नेप्से ५.०८ अंकले बढेर १२५४.५६ अंकमा पुगेको छ ।
यसदिन बजारमा १७० कम्पनीका शेयर ४३ करोड बढीमा कनिबेच भयो । कारोबार रकम अघिल्लो दिनको तुलनामा १५ करोडले बढेको छ ।
सोमबारको बजारमा कारोबारमा आएका सबै समूहका सूचक सकारात्मक रहेका छन् ।
४३ करोड ५ लाख रुपैयाँ बराबरको शेयर किनबेच भएको बजारमा नेपाल बैंकको मात्र पाँच करोड २१ लाख रुपैयाँको कारोबार भयो । त्यस्तै शिभम् सिमेन्टको ३ करोड ५९ लाख रुपैयाँको कारोबार भएको छ ।
यसदिन स्वदेशी लघुवित्तको शेयर मूल्य सबैभन्दा धेरै ५ प्रतिशतले बढेको छ । नबिल बैंकको सबैभन्दा धेरै तीन प्रतिशत बढीले घटेको छ ।