लगानीकर्ताहरुले अब ब्रोकरहरुलाई कारोबारका लागि धितो राख्न वा भुक्तानी रकम ट्रान्स्फर गर्न सक्नेछन् । साथै ब्रोकरहरुले पनि बिक्री प्रकृया वा धितो फिर्ताका लागि भुक्तानी समेत लिन पाउनेछन् ।
लगानीकर्तालाई टिएमएस लगइन (सम्बन्धित ब्रोकरले प्रदान गरेको) तथा कनेक्ट आईपीएस कम्तिमा एउटा बैंक खातासँग लिंक भएको आईडी आवश्यक पर्दछ । लगानीकर्ताले टिएमएस खातामा धितोका लागि उपलब्ध कनेक्ट आइपीएस भुक्तानी मार्फत फण्ड लोड गर्न साथै शेयर खरिद पश्चात ब्रोकरलाई टिएमएसमा उपलब्ध च्यानल मार्फत प्रत्यक्ष भुक्तानी गर्न सकिनेछ ।
भुक्तानीका लागि कनेक्ट आईपीएस चयन गरेपछि लगानीकर्ताहरुले कनेक्ट आईपीएस पेजमा रिडाइरेक्ट हुनेछन् र आफ्नो आईडी प्रयोग गरि धितो वा ब्रोकरको भुक्तानीका लागि सिधै इच्छा अनुसारको लिंक गरिएको बैंक खातावाट फण्ड लोड गर्न सकिनेछ । त्यस्तै लगानीकर्ताले टिएमएसबाट धितो फिर्ताका लागि गरिएको अनुरोध तथा ब्रोकरले शेयर बिक्री पश्चात गर्नु पर्ने भुक्तानी लिंक गरिएको लगानीकर्ताको बैंक खातामा आईपीएस प्रणाली मार्फत सिधैं भुक्तानी गर्न सकिनेछ ।
नेप्सेले अनलाइन कोरोबार भुक्तानीलाई स्वचालित बनाउन दुवै प्रणालीहरु इन्टिग्रेट भए पश्चात ई–पेमेन्टले पूँजी बजारमा थप सुविधा प्रदान गर्ने अपेक्षा गरिएको छ । एनसीएचएलले यस अघि लाभांस भुक्तानी, रिफण्ड, डिम्याट तथा मेरो शेयर शुल्क भुक्तानी तथा ट्रेड भुक्तानी जस्ता कोरोबारहरु गर्दै आएको थियो ।
हाल कनेक्ट आईपीएस इपेमेन्ट प्रणलीमा ५० भन्दा बढि र एनसीएचएल आईपीएस प्रणालीमा ७६ वटा वित्तीय संस्थाहरू सदस्यता भैसकेका छन् । कनेक्ट आईपीएस इपेमेन्ट रियल टाइम रिटेल भुक्तानी प्रणाली हो जसको कारोबार सिमा प्रति बैंक १० लाख रुपैयाँ सम्म रहेको छ । एनसीएचएल आईपीएस स्वचालित क्लियरिङ्ग हाउस प्रणाली हो जसले बल्क तथा अन्य भुक्तानी कारोबारहरु २० करोड रुपैयाँ सम्म गर्न सकिन्छ ।
