मौद्रिक नीतिको पर्खाईमा लगानीकर्ता, शेयर कारोबार मध्यम, नेप्सेमा सामान्य सुधार

Jul 09, 2019 03:48 PM merolagani

शेयर लगानीकर्ता राष्ट्र बैंकको आगामी आर्थिक वर्षको मौद्रिक नीतिको पर्खाइमा रहँदा बजार सामान्य रहेको छ । मर्जर र ब्याजदरका विषयमा मौद्रिक नीतिमा के कस्ता व्यवस्था आउलान भन्नेमा लगानीकर्ताको चासो देखिन्छ ।

मंगलबार अघिल्लो दिनको तुलनामा शेयरबजारमा सामान्य सुधार देखिएको छ ।

यस दिन नेप्से २.९२ अंकले बढेर १२५०.२७ अंकमा पुगेको छ । बजारमा सामान्य बढ्दा कारोबार रकममा पनि केहि बढोत्तरी आएको छ । मंगलबार ४६ करोड ८२ लाख रुपैयाँ बराबरको शेयर किनबेच भयो ।

असार मसान्तको प्रभावले पनि कारोबार मध्यम देखिएको छ । राजश्व दाखिला एंवम कर्जाको साँवा–ब्याज तथा आयकर तिर्ने समय भएकाले पनि शेयरबजारमा केही दबाव परेको हो ।

एघार समूहको कारोबार भएको बजारमा होटल, निर्जीवन बीमा कम्पनी, माइक्रोफाइनान्स र म्युचुअल फण्डको सूचक ओरालो लागेको छ भने बाँकी सूचकमा सुधार देखिएकाे छ। जीवन बीमा समूह सबैभन्दा बढी २४.१२ अंकले बढेको छ । वाणिज्य बैंक समूहको सूचक ३.८७ अंकले माथि लागेको छ ।  निर्जीवन बीमा समूहको सूचक सबैभन्दा बढी ३७ अंकले ओरालो लागेको छ ।

यसदिन सबैभन्दा धेरै नेपाल इन्भेष्टमेन्ट बैंकको संस्थापक शेयर ६ करोड दुई लाखको कारोबार भएको छ। त्यस्तै लक्ष्मी बैंकको चार करोड १३ लाख रुपैयाँको कारोबार भएको छ। नबिल बैंकको पनि साढे दुई करोड बढीको कारोबार भयो ।

हिजोदेखि कारोबारमा आएको इन्फिनिटी लघुवित्तको शेयर मूल्य झण्डै दश प्रतिशतले बढेको छ । सबैभन्दा धेरै सपोर्ट माइक्रोफाइनान्सको शेयरमूल्य ४.२८ प्रतिशतले घटेको छ ।

 


comments powered by Disqus

शेयर बजारको जानकारी अब 'एसएमएस' बाट पनि

Oct 17, 2019 08:29 PM

नेपाल स्टक एक्सचेञ्जको वेवसाइट, विभिन्न समाचार माध्यमका अलावा अब शेयर बजारबाट आफूले लिन चाहेको जानकारी एसएमएसबाट पनि प्राप्त गर्न सकिने भएको छ। शेयर बजारका लगानीकर्तालाई लगानी योजना बनाउन सजह हुने उदेश्यले मेरोलगानी डटकमले तोकिएको शुल्क तिरेर एसएमएस सेवा प्रदान गर्न थालेको हो।