धितोपत्र निष्काशन तथा बाँडफाँड निर्देशिका बमोजिम उक्त आईपिओ बाँडफाँड हुनेछ। जसअनुसार ५ आवेदकले ११ कित्ता र ३१ हजार ३०२ आवेदकले १० कित्ताका दरले शेयर हात पार्नेछन्।
माइक्रोफाइनान्सको आईपिओमा ३ लाख ३० हजार १५१ वटा आवेदनबाट सर्वसाधारणमा निष्काशन गरिएको शेयरको २१.६३ गुणा बढी ६७ लाख ७२ हजार ४२० कित्ताको माग भएको छ । ३१ हजार ३०७ जनाले मात्र लघुवित्तको शेयर पाउनेछन् भने दुई लाख ९८ हजार ७०० जना आवेकदको हात खाली हुनेछ ।
गणपति माइक्रोफाइनान्सले माइक्रोफाइनान्सको बैशाख ९ देखि १२ गतेसम्म प्रतिकित्ता १०० रुपैयाँ दरमा सर्वसाधारणमा ३ लाख १३ हजार ७५ कित्ता बिक्रीमा ल्याएको हो । जारी पूँजीको ३२.३० प्रतिशत अर्थात कूल ३ लाख ३५ हजार कित्ता आईपिओ निष्काशन गरेको थियो । जसमध्ये ५ हजार १७५ कित्ता कर्मचारी र १६ हजार ७५० कित्ता सामूहिक लगानी कोषलाई छुट्याइएको थियो।