साधारण सभामा इन्स्योरेन्सको न्युनतम चुक्ता पूँजी एक अर्ब पुर्याउन ६० प्रतिशत हकप्रद निष्काशन गर्ने प्रस्ताव अनुमोदन गर्ने तयारी गरेको छ ।
हाल कायम ६४ करोड ४ लाख रुपैयाँको १० को अनुपात ६ को दरले हकप्रद शेयर जारी गर्ने प्रस्ताव पारित गर्ने तयारी गरेको छ ।
बीमा समितिले बीमा कम्पनीहरुलाई चालु आर्थिक वर्षको असार मसान्त भित्रमा साधारण सभा सम्पन्न गरेर न्युनतम चुक्ता पूँजी पुर्याउन निर्देशन दिएको छ। समितिको निर्देशन अनुसार न्युनतम चुक्ता पूँजी पुर्याउन एनएलजी इन्स्योरेन्सले हकप्रदको बाटो रोजेको हो ।
हकप्रद जारीपछि इन्स्योरेन्सको चुक्ता पूँजी एक अर्ब २ करोड ४६ लाख रुपैयाँ पुग्नेछ ।
साधारण सभाले प्रबन्धपत्र तथा नियमावली संशोधन गर्न संचालक समितिलाई अख्तियारी समेत प्रदान गर्नेछ ।
इन्स्योरेन्सले विशेष साधारण सभा प्रयोजनको लागि जेठ ६ गते शेयरधनी दर्ता किताब बन्द (बुक क्लोज) गर्ने जनाएको छ । त्यस अनुसार जेठ ५ गते सम्म कायम शेयरधनी मात्रै साधारण सभामा सहभागि हुन पाउनेछन् ।
