लक्ष्मी भ्यालु फण्ड–१ को लाभांश सोमबारसम्म कायम शेयरधनीलाई, मंगलबार किन्नेले नपाउने

Aug 12, 2019 08:21 AM Merolagani

लक्ष्मी भ्यालु फण्ड–१ (LVF1) ले गत आर्थिक वर्षको मुनाफाबाट इकाईधनीलाई प्रस्ताव गरेको १५ प्रतिशत नगद लाभांश सोमबारसम्म कायम शेयरधनीले मात्र पाउनेछन्। कम्पनीले लाभांश वितरणका लागि साउन २८ गते मंगलबार बुकक्लोज गर्ने भएको हो।

यसअनुसार लाभांश पाउने बुकक्लोजको अघिल्लो दिनसम्म स्वामित्व होल्ड गरेको हुनुपर्छ। यसअनुसार साउन २७ गते सोमबारसम्म नेप्सेमा कारोबार भई कायम रहने इकाईधनीले मात्र फण्डले वितरण गर्ने लाभांश पाउनेछन्।

म्युचुअल फण्ड सञ्चालक समितिको साउन १५ गते सम्पन्न ५३ औं बैठकले आर्थिक वर्ष २०७५/०७६ को मु्नाफाबाट इकाईधनीलाई कर सहित १५ प्रतिशत नगद लाभांश वितरण गर्ने निर्णय गरेको थियो ।

कम्पनीले सार्वजनिक गरेको वित्तीय विवरण अनुसार असार मसान्तसम्ममा लक्ष्मी भ्यालु फण्ड १ को प्रति इकाइ खुद मूल्य ११.९८ रुपैयाँ रहेको छ । दोस्रो बजारमा आइतबार प्रतिइकाई १० रुपैयाँ ८९ पैसामा कारोबार भएको छ।

लक्ष्मी भ्यालु फण्ड १ लक्ष्मी क्यापिटलले सञ्चालनमा ल्याएको पहिलो सामूहिक लगानी कोष योजना हो। यसका अतिरिक्त कम्पनीले लक्ष्मी इक्विटी फण्ड नामको दोस्रो योजना समेत सञ्चालन गरेको छ।


comments powered by Disqus

'सरकारले सामाजिक सुरक्षा कोषमा रहेको पैसा श्रमीक र उद्योगकै रिजेनेरेट गर्न प्रयोग गर्नुपर्छ'

Apr 05, 2020 03:02 PM

सरकारले अहिले उद्योगधन्दाको विषयमा जुन काम गरेको त्यो पर्याप्त छैन। यसको असर कम्तिमा एक डेढ वर्षसम्म पर्छ। यो अहिले नै सकिने इम्प्याक्ट होइन। देशको एउटा मात्र उद्योगमा असर परेको हैन यो सबै उद्योगमा असर परेको हो। नेपालमा मात्र हैन अन्तराष्ट्रिय क्षेत्रमा समेत सानादेखि ठुला सबै उद्योगमा यसको असर परेको छ।