छिमेक लघुवित्तको नाफा अर्ब नजिक, अधिकांश सूचकमा प्रगति

Aug 15, 2019 04:09 PM Merolagani

छिमेक लघुवित्त(CBBL)ले गत आर्थिक वर्षको चौंथो त्रैमाससम्ममा ९२ करोड ७ लाख रुपैयाँ खुद नाफा कमाएको वित्तीय विवरण सार्वजनिक गरेको छ। अघिल्लो आर्थिक वर्षको तुलनामा लघुवित्तको खुद नाफा २५ करोड ६८ लाख रुपैयाँ अर्थात ३८.६८ प्रतिशतले बढोत्तरी भएको हो। 

अघिल्लो आर्थिक वर्ष लघुवित्तले ६६ करोड ३८ लाख रुपैयाँ खुद नाफा आर्जन गरेको थियो। ब्याज आम्दानीमा वृद्धि भई व्यापार विस्तारमा जोड दिँदा लघुवित्तको नाफामा बढोत्तरी भएको हो।

चुक्ता पूँजी एक अर्ब १८ करोड रुपैयाँ रहेको लघुवित्तलको जगेडा कोषमा एक अर्ब ६३ करोड ९० लाख रुपैयाँ सञ्चित छ। अघिल्लो आवको यसै अवधिमा लघुवित्तको पूँजी एक अर्ब र जगेडा कोषमा एक अर्ब १७ करोड ९० लाख रहेको थियो।

गत आवमा लघुवित्तले १५ अर्ब ३८ करोड ७३ लाख रुपैयाँ निक्षेप संकलन तथा चार अर्ब ४८ करोड १७ लाख रुपयाँ अन्य बैंक तथा वित्तीय संस्था मार्फत कर्जा सापटी लिएर १९ अर्ब ७५ करोड ५४ लाख रुपैयाँ कर्जा लगानी गरेको छ।

समीक्षा अवधिमा लघुवित्तले एक अर्ब ७२ करोड ३४ लाख रुपैयाँ खुद ब्याज आम्दानी गरेको छ। अघिल्लो आर्थिक वर्षको यसै अवधिको तुलनामा २३ करोड २१ लाख रुपैयाँ खुद ब्याज आम्दानी वृद्धि गरेको हो। अघिल्लो आर्थिक वर्षमा लघुवित्तले एक अर्ब ४९ करोड १३ लाख रुपैयाँ खुद ब्याज आम्दानी गरेको थियो ।

लघुवित्तमा निष्कृय कर्जा अनुपात ०.२८ प्रतिशत छ । लघुवित्तको प्रतिशेयर आम्दानी ७८ रुपैयाँ ०३ पैसा छ । लघुवित्तको प्रतिशेयर नेटवर्थ २३८ रुपैयाँ ९१ पैसा छ भने मूल्य आम्दानी अनुपात १२.१८ गुणा बढी छ ।  


comments powered by Disqus

'सरकारले सामाजिक सुरक्षा कोषमा रहेको पैसा श्रमीक र उद्योगकै रिजेनेरेट गर्न प्रयोग गर्नुपर्छ'

Apr 05, 2020 03:02 PM

सरकारले अहिले उद्योगधन्दाको विषयमा जुन काम गरेको त्यो पर्याप्त छैन। यसको असर कम्तिमा एक डेढ वर्षसम्म पर्छ। यो अहिले नै सकिने इम्प्याक्ट होइन। देशको एउटा मात्र उद्योगमा असर परेको हैन यो सबै उद्योगमा असर परेको हो। नेपालमा मात्र हैन अन्तराष्ट्रिय क्षेत्रमा समेत सानादेखि ठुला सबै उद्योगमा यसको असर परेको छ।