ओरियन्टल होटलले प्रस्ताव गर्यो लाभांश, बुकक्लोज कहिले?

Oct 01, 2019 11:19 AM Merolagani



आरियन्टल होटल (OHL) ले गत आर्थिक वर्ष २०७५/०७६ को मुनाफाबाट शेयरधनीलाई वितरण गर्ने लाभांश घोषणा गरेको छ। कम्पनी सञ्चालक समितिको बैठकले गत आर्थिक वर्षको कमाईबाट शेयरधनीहरुलाई कूल १५.७९ प्रतिशत वितरण गर्ने लाभांश प्रस्ताव गरेको हो।

होटलको असोज १३ गते सोमबार बसेको सञ्चालक समितिको बैठकले शेयरधनीहरुलाई चुक्ता पूँजीको ५ प्रतिशत बोनस शेयर र १०.७९ प्रतिशत नगद लाभांश वितरण गर्ने प्रस्ताव गरेको हो ।

हाल १ अर्ब ७ करोड ४३ लाख रुपैयाँ चुक्ता पूँजी रहेको होटको ५ प्रतिशत बोनस पश्चात १ अर्ब १२ करोड ८० लाख रुपैयाँ पूँजी पुग्नेछ।

 

अघिल्लो वर्ष ११.३२ प्रतिशत नगद र १५ प्रतिशत बोनस शेयर गरी कूल २६.३२ प्रतिशत नगद लाभांश वितरण गरेको होटलले यस वर्ष घटाएर लाभांश प्रस्ताव गरेको हो । 

लाभांश वितरण गर्न होटलले कार्तिक ७ गते बाइसौं वार्षिक साधारणसभा आब्हान गरेको छ । कम्पनीले नेपाल प्रशासनिक प्रशिक्षण प्रतिष्ठान जावलाखेल ललितपुरमा विहान ११ बजे साधारणसभा बोलाएको हो ।

लाभांश वितरण तथा साधारणसभा प्रयोजनको लागि असोज २८ गतेदेखि साधारणसभासम्म बुकक्लोज गर्ने निर्णय गरेकाले असोज २७ गतेसम्म कायम शेयरधनीहरुले मात्र होटलको लाभांश पाउनेछन्।

होटलले गत आर्थिक वर्षको चौथो त्रैमाससम्ममा २९ करोड ७८ लाख रुपैयाँ खुद नाफा कमाएर प्रतिशेयर आम्दानी २७ रुपैयाँ ७२ पैसा कायम गरेको थियो।




भारत जाने विमानमा फेरि सर्प

Jun 30, 2025 12:48 PM

मुम्बईका भारतीय भन्सार अधिकारीहरूले थाइल्यान्डबाट आएका एक विमान यात्रुलाई जीवित सर्पहरूसहित साथ रोकेको बताएका छन् । यो महिनाको तेस्रो यस्तो जफत हो ।