लघुवित्त संस्थाको सञ्चालक समितिको असोज १५ गते बसेको बैठकले शेयरधनीहरुलाई २६ प्रतिशत बोनस शेयर र १४ प्रतिशत कर सहितको नगद लाभांश दिने प्रस्ताव गरेको हो।
संस्थाको हाल चुक्ता पूँजी ६२ करोड ८८ लाख रुपैयाँमा गत आर्थिक वर्ष सम्मको वितरणका लागि उपलब्ध रकमबाट शेयरधनीहरुलाई उक्त लाभांंश वितरण गर्न स्वीकृतिका लागि राष्ट्र बैंकमा पेश गर्ने लघुवित्त कम्पनीले जनाएको छ।
उक्त लाभांश राष्ट्र बैंकबाट स्वीकृती पाएर लघुवित्तको आगामी वार्षिक साधारण सभाबाट पारित भएपछि मात्र शेयरधनीले प्राप्त गर्नछन्।
हाल ६२ करोड ८८ लाख ८८ हजार रुपैयाँ चुक्ता पूँजी रहेको स्वावलम्बन लघुवित्तको प्रस्तावित २६ प्रतिशत बोनस वितरण पश्चात ७९ करोड २३ लाख ९८ हजार रुपैयाँ पूँजी पुग्नेछ।
अघिल्लो आर्थिक वर्ष २०७४/०७५ को मुनाफाबाट कम्पनीले २५ प्रतिशत बोनस शेयर र ११.८४ प्रतिशत नगद गरी कूल ३६.८४ प्रतिशत लाभांश वितरण गरेको थियो।
गत आर्थिक वर्षको अन्य सम्ममा लघुवित्त संस्थाले ४२ करोड २५ लाख रुपैयाँ खुद नाफा कमाएको थियो।