आईएमई लाइफ खुद बीमाशुल्क करिब ६१ करोड, जीवन बीमा कोषमा एक अर्ब

Feb 14, 2020 10:11 AM Merolagani

आईएमई लाइफ इन्स्योरेन्सले चालु आर्थिक बर्षको दोस्रो त्रैमाससम्ममा ६० करोड ८५ लाख रुपैयाँ बीमाशुल्क आर्जन गरेको छ। यो गत आर्थिक वर्षको दोस्रो त्रैमासको तुलनामा ३३ करोड ४९ लाख रुपैयाँले बढी हो।

गत आर्थिक वर्षको दोस्रो त्रैमाससम्ममा कम्पनीले २७ करोड ३६ लाख रुपैयाँ खुद बीमाशुल्क आर्जन गरेको थियो।

यस्तै कम्पनीले चालु आर्थिक वर्षको पुससम्ममा लगानी कर्जा तथा अन्य आयबाट ५ करोड २६ लाख रुपैयाँ, बीमालेख धितोबाट ३३ लाख ५५ हजार रुपैयाँ आम्दानी गरेको छ।

यस अवधिमा कम्पनीको खुद नाफा भने करिब १० लाख रुपैयाँले घटेर ६ करोड १२ लाख रुपैयाँमा सीमित भएको छ। कम्पनीले गत आर्थिक वर्षको दोस्रो त्रैमाससम्ममा ६ करोड २२ लाख रुपैयाँ खुद नाफा कमाएको थियो।

चुक्ता पूँजी १ अर्ब ४० करोड रुपैयाँ रहेको कम्पनीको जीवन बीमा कोषमा एक अर्ब २ करोड ७७ लाख रुपैयाँ, जगेडा कोषमा २४ करोड ९० लाख रुपैयाँ र महाविपत्ती जगेडा कोषमा ३ करोड १५ लाख रुपैयाँ सञ्चित छ।

कम्पनीले हालसम्म १ लाख ३ हजार ९४५ बीमालेख जारी गरी २ अर्ब ६ करोड ९० लाख रुपैयाँ कूल बीमा शूल्क आर्जन गरेको छ। यस अवधिसम्ममा कम्पनीले ७७ दाबी बापत ६ करोड ६१ लाख रुपैयाँ भुक्तानी गरेको छ।

कम्पनीको प्रतिशेयर आम्दानी वार्षिक ८ रुपैयाँ ७४ पैसा, प्रतिशेर नेटवर्थ १२० रुपैयाँ ४ पैसा रहेको छ।


comments powered by Disqus

कामना सेवा विकास बैंकको डिवेञ्चर प्रत्याभूतीकर्तामा नागरिक लगानी कोष

Nov 30, 2020 06:32 PM

कामना सेवा विकास बैंकको (KSBBL) एक हजार रुपैयाँ अंकित दरका दश लाख कित्ताको ऋणपत्र प्रत्याभुतीकर्ताको रुपमा नागरिक लगानी कोष नियुक्त भएको छ । डिवेञ्चर प्रत्याभूतीकर्ता सम्झौता–पत्रमा कामना सेवा विकास बैंकको तर्फबाट प्रमुख कार्यकारी अधिकृत प्रविण बस्नेत र नागरिक लगानी कोषको तर्फबाट कार्यकारी निर्देशक रमण नेपालले हस्ताक्षर गरेका हुन् ।