प्राविधिक विश्लेषणको उपकरण मुभिङ्ग एभरेज कन्भर्जेन्स एण्ड डाइभर्जेन्समा यस्तो क्रसओभर देखिएको हो। यसले आगामी दिनमा बैंकको शेयरमूल्य बढ्ने संकेत गर्दछ।
गत साताको अन्तिम कारोबार दिन बैंकको शेयरमूल्य प्रतिकित्ता १ रुपैयाँ घटेर ४२५ रुपैयाँमा अन्तिम कारोबार भएको थियो। सो दिन बैंकको शेयरमूल्यले सानो टुप्पी भएको रातो मैनबत्ती बनाएको थियो। यसले खरिदकर्ताको तुलनामा बिक्रीकर्ता बढी रहेको संकेत गर्दछ।
आगामी साता बैंकको शेयरमूल्य ओरालो लागेमा ४१२ रुपैयाँमा टेवा पाउने देखिन्छ भने उकालो लागेमा ४४० रुपैयाँमा प्रतिरोधको सामना गर्ने देखिन्छ।
गत साता बैंकको दैनिक औषतमा २९ हजार ५०१ कित्ता शेयर खरिदबिक्री भएको छ। पछिल्लो २० दिनमा बैंकको औषतमा २९ हजार ७०६ कित्ता शेयर खरिदबिक्री भएको छ।
बैंकले गत आर्थिक वर्षको अन्त्यसम्ममा ३ अर्ब १४ करोड २० हजार रुपैयाँ खुद नाफा (सरकारको हिस्सा बाहेक) कमाउन सफल भएको थियो। ९ अर्ब ५५ करोड ६४ लाख रुपैयाँ चुक्ता पूँजी रहेको यस बैंकको जगेडा कोषमा १३ अर्ब ४७ करोड रुपैयाँ सञ्चित छ।
सो अवधिसम्ममा बैंकले ६ अर्ब २३ करोड खुद ब्याज आम्दानी र ४ अर्ब ४५ करोड रुपैयाँ सञ्चालन मुनाफा आर्जन गरेको थियो।
सो अवधिसम्ममा बैंकको प्रतिशेयर आम्दानी ३२ रुपैयाँ ८८ पैसा कायम भएको थियो। भदौ ११ गतेको अन्तिम कारोबार मूल्य अनुसार बैंकको मूल्य आम्दानी अनुपात १२.९३ गुणा रहेको छ। बैंकको बुकभ्यालु २४०.९५ रुपैयाँ रहेको छ भने आरओई १३.६५ प्रतिशत रहेको छ।
गत बिहीबार बैंकको १४ दिने आरएसआई ५८.५५ स्केल अर्थात न्यूट्रल जोनमा रहेको छ। यसले बजारमा बैंकको शेयर खरिदबिक्री चाप सन्तुलनमा रहेको संकेत गर्दछ।
सरकारको स्वामित्वमा रहेको बाहेक यस बैंकको कुल ९ करोड ५५ लाख ६४ हजार ६०६ कित्ता नेप्सेमा सूचीकृत छ। बैंकको पछिल्लो १८० दिनको औषत मूल्य ४००.१२ रुपैयाँ रहेको छ। बैंकको पछिल्लो ५२ हप्ताको उच्च मूल्य ४६७ रुपैयाँ रहेको छ भने न्यून मूल्य ३२९ रुपैयँ रहेको छ। बैंकको कुल बजार पूँजीकरण ४० अर्ब ६१ करोड ४९ लाख ५७ हजार ९३२ रुपैयाँ ५० पैसा रहेको छ।
फियर एण्ड ग्रीड मिटरमा बैंक अहिले ग्रीड जोनमा रहेको छ। यसले लगानीकर्ताहरु बैंकको शेयरमूल्य बढ्ने अपेक्षामा रहेको संकेत गर्दछ।