नेप्सेले सो दिन नयाँ अलटाइम हाइ क्लोजिङ्ग बनाएपनि इन्ट्रा डेको अलटाइम हाइ रेकर्डलाई भने तोड्न सकेन। सो दिन नेप्से हालसम्मकै इन्ट्रा डे हाइ परीक्षण गरेर फर्किएको देखिन्छ। बिहीबार कारोबार अवधिमा २१११२.९३ विन्दुसम्म पुगेको नेप्से अन्त्यमा ओरालो लागेर २०८७.२८ विन्दुमा बन्द भएको हो।
यस अनुसार यस साता नेप्से उकालो लागेमा २१६० विन्दु वरिपरि प्रतिरोधको सामना गर्ने देखिन्छ। त्यसैगरी, यस साता नेप्से ओरालो लागेमा भने १९६० विन्दुमा टेवा पाउने देखिन्छ।
गत साताको अन्तिम कारोबार दिनहरुमा नेप्सेको ५ दिने इएमए र २० दिने इएमए बीचको दूरी फराकिलो हुँदै गएको छ। यसले बजारमा बाइङ्ग मोमेन्टम बलियो हुँदै गएको संकेत गर्दछ।
नेप्से उकालो लागेपनि गत साता भोल्यूम भने घटेको छ। गत साता दैनिक औषतमा ४ अर्ब ५५ करोड रुपैयाँ बराबरको शेयर खरिदबिक्री भएको थियो। जुन अघिल्लो साताको तुलनामा २१.५५ प्रतिशत कम हो। नेप्सेको पछिल्लो २० दिनको औषत भोल्यूम ५ अर्ब ८० करोड रुपैयाँ रहेको छ।
फियर एण्ड ग्रीड मिटरमा नेप्से अझै पनि ‘एक्सट्रीम ग्रीड’ जोनमा छ। यसले शेयर कारोबार गर्दा निकै ध्यान दिनुपर्ने संकेत गर्दछ।
व्यापार उपसमूह
गत साता व्यापार उपसमूहको परिसूचक सर्वाधिक १६.२१ प्रतिशत बढेको थियो। अघिल्लो साता १९७८.४३ विन्दुमा बन्द भएको यस उपसमूहको सूचक, गत साता ३२०.६७ अंक बढेर २२९९.११ विन्दुमा बन्द भएको थियो।
यस अनुसार गणना गर्दा यस साता व्यापार उपसमूहको परिसूचक उकालो लागेमा २६०० विन्दुमा प्रतिरोधको सामना गर्ने देखिन्छ। त्यसैगरी, ओरालो लागेमा भने १६०० विन्दुमा टेवा पाउने देखिन्छ।
(विस्तृत प्राविधिक विश्लेषण मेरोलगानी न्यूजलेटरमा)
(उपलब्ध तथ्याङ्कका आधारमा गरिएको यो विश्लेषण आफैमा पूर्ण होइन। लगानीकर्ताहरुले लगानीको निर्णय गर्नु अघि थप विश्लेषण र अध्ययन गर्न जरुरी छ।)
