५ कारोबार दिनमध्ये ४ कारोबार दिन बजार नकारात्मक भएर बन्द भएसँगै नेप्सेले सो बराबरको अंक गुमाएको हो। गत साता बुधबार नेप्से सामान्य अंक बढेर बन्द भएको थियो।
टेवा क्षेत्र तोडेर तल झर्यो
गत साता नेप्से टेवा क्षेत्र तोडेर तल झरेको थियो। साताको पहिलो कारोबार दिन नै नेप्सेले १९५० देखि १९९० को टेवा क्षेत्र तोडेको थियो। त्यसपश्चात सो क्षेत्र यस साताको लागि प्रतिरोध क्षेत्र बनेको छ। यस साता नेप्से परिसूचक ओरालो लागेमा १८१० देखि १८४० को क्षेत्रमा टेवा पाउने देखिन्छ।
प्यानिक लगानीकर्ता
गत साता लगानीकर्ताहरु प्यानिक भइ शेयर बिक्री गरेको देखिन्छ। साप्ताहिक रुपमा नेप्सेले बियरिश मैनबत्ती बनाएको छ। गत साताको पहिलो कारोबार दिन नेप्सेले उच्च भोल्यूमसहित टेवा क्षेत्र तोडेको थियो। त्यसैले, आगामी दिनमा पनि बजारमा थप बिक्रीकर्ता हाबी हुन सक्ने अनुमान गर्न सकिन्छ।
कमजोर भोल्यूम
गत साता नेप्सेसँगै भोल्यूम पनि केही कमजोर देखिएको छ। गत साता नेप्सेमा दैनिक औषतमा १ अर्ब ४१ करोडको शेयर खरिदबिक्री भएको थियो। साताको अन्तिम कारोबार दिन नेप्सेको २० दिने औषत भोल्यूम १ अर्ब ५० करोड रुपैयाँ रहेको छ। २० दिने औषत भोल्युमको तुलनामा गत साताको दैनिक औषत भोल्यूम ६ प्रतिशत कम हो।
बियरिश प्रवृत्ति
गत साता नेप्से परिसूचक बियरिश प्रवृत्तिमा देखिएको थियो। अघिल्लो साता बियरिश क्रशओभर बनाएर तल झरेको नेप्सेको एमएसिडी यस साता पनि सिग्नल रेखाभन्दा तल नै रहेको छ। नेप्सेको हिस्टोग्राम पनि शून्य रेखाभन्दा तल रहेको छ।
बिक्रीचाप बढी
यस साता नेप्सेमा बिक्रीचाप बढी रहेको देखिएको छ। ओभरसोल्ड जोनमा रहेको नेप्सेको स्टकास्टिक आरएसआईले यस्तो संकेत गर्दछ।
(यस समाचारको प्राविधिक विश्लेषणमा प्रयोग भएका चित्रहरु मेरोलगानी एआई चार्टबाट लिइएको हो।)
(उपलब्ध तथ्यांकका आधारमा तयार पारिएको यो विश्लेषण आफैमा पूर्ण होइन। लगानीकर्ताले लगानीको निर्णय गर्नु अघि आफैले थप अध्ययन तथा विश्लेषण गर्नु आवश्यक छ।)
