माण्डु हाइड्रोपावरको विद्युत बिक्री आम्दानी सामान्य बढ्यो, नाफा कति?

Nov 08, 2023 09:29 AM Merolagani

माण्डु हाइड्रोपावर लिमिटेडले चालु आर्थिक वर्षको पहिलो त्रैमाससम्मको अपरिष्कृत वित्तीय विवरण प्रकाशित गरेको छ। विवरण अनुसार कम्पनीको विद्युत बिक्री आम्दानी गत आर्थिक वर्षको सोही अवधिको तुलनामा सामान्य बढेको छ।

चालु आर्थिक वर्षको असोज मसान्तसम्ममा कम्पनीले विद्युत बिक्री मार्फत २५ करोड १० लाख रुपैयाँ आम्दानी गरेको छ। यो गत आर्थिक वर्षको सोही अवधिको तुलनामा २.८७ प्रतिशत बढी हो। गत आर्थिक वर्षको सोही अवधिसम्ममा कम्पनीले २४ करोड ४० लाख रुपैयाँ यस्तो आम्दानी गरेको थियो।

विद्युत बिक्री आम्दानी सामान्य बढेसँगै कम्पनीको सञ्चालन मुनाफा पनि ३.६४ प्रतिशत बढेको छ। गत आर्थिक वर्षको पहिलो तीन महिनामा २२ करोड २३ लाख रुपैयाँ रहेको कम्पनीको यस्तो आम्दानी, चालु आर्थिक वर्षको सोही अवधिमा २३ करोड ४ लाख रुपैयाँ पुगेको छ।

समीक्षा अवधिमा कम्पनीको खुद नाफा भने १३.३२ प्रतिशत बढेर १२ करोड ७२ लाख रुपैयाँ पुगेको छ। कम्पनीको वित्तीय खर्च घटेका कारण सञ्चालन मुनाफाको तुलनामा खुद नाफा वृद्धिदर धेरै देखिएको हो।

नाफा बढेपनि कम्पनीको प्रतिशेयर आम्दानी भने सामान्य घटेको छ। समीक्षा अवधिमा कम्पनीको यस्तो आम्दानी १० पैसा घटेर ३७ रुपैयाँ ३३ पैसामा सीमित भएको छ। चुक्ता पूँजीको तुलनामा खुद नाफा बढाउन नसक्दा प्रतिशेयर आम्दानी घट्न पुगेको हो।

समीक्षा अवधिमा कम्पनीको चुक्ता पूँजी १३.६४ प्रतिशत बढेर १ अर्ब ३६ करोड ३६ लाख रुपैयाँ पुगेको छ। सो अवधिसम्ममा कम्पनीको जगेडा कोष भने १८०.२६ प्रतिशत बढेर ६३ करोड ४७ लाख रुपैयाँ पुगेको छ।

असार मसान्तसम्ममा कम्पनीको प्रतिशेयर नेटवर्थ १४६ रुपैयाँ ५५ पैसा रहेको छ भने मूल्य आम्दानी अनुपात ११.५ गुणा रहेको छ।

कम्पनीले २०७५ चैत १९ गतेदेखि २२ मेगावाटको बाग्मति स्मल हाइड्रोपावर आयोजना सञ्चालन गरिरहेको छ। कम्पनीले गत आर्थिक वर्षको मुनाफाबाट शेयरधनीहरुलाई १० प्रतिशतका दरले नगद लाभांश वितरण गर्ने घोषणा गरेको थियो सो प्रस्ताव पारि गर्न कम्पनीले मंसिर १५ गते १२ औँ वार्षिक साधारण सभा बोलाएको छ।

comments powered by Disqus

शेयर बजारमा केही लाख लगाएर करोड कमाउने बेला

Jul 13, 2024 12:49 PM

तिलक कोइराला

शेयर बजार अति जोखिमको क्षेत्र हो, धेरैले गुमाउँछन् भन्दाभन्दै पनि कहिलेकाँही यति सुन्दर र आशलाग्दा दृश्यहरु देखिन्छन्, जसलाई अवसरको रुपमा लिएर सुझबुझपूर्ण लगानी गर्नेले जीवनमा कहिल्यै नकमाएको धन सम्पति कमाउँछ। शेयर बजारमा यस्ता अवसरहरु विरलै आउँछन्।