गत आर्थिक वर्षको असोज मसान्तसम्ममा ७ करोड ७७ लाख रुपैयाँ नोक्सानीमा रहेको यस होटलले चालु आर्थिक वर्षको सोही अवधिसम्ममा ५ करोड ६२ लाख रुपैयाँ नोक्सानी व्यहोरेको छ।
होटलको आम्दानी घटेपनि वित्तीय खर्च घटेका कारण खुद नोक्सानी घट्न पुगेको हो।
समीक्षा अवधिमा होटलको सञ्चालन आम्दानी ४.८५ प्रतिशत र कुल आम्दानी १.०४ प्रतिशत घटेको छ। त्यस्तै, होटलको कुल खर्च समीक्षा अवधिमा ७.०६ प्रतिशत बढेकाे छ भने वित्तीय खर्च १५.२७ प्रतिशत घटेको छ।
१ अर्ब ६७ करोड ४० लाख रुपैयाँ चुक्ता पूँजी रहेको यस होटलको अन्य इक्विटी १५ करोड ९२ लाख रुपैयाँ ऋणात्मक रहेको छ। असोज मसान्तसम्ममा होटलको प्रतिशेयर आम्दानी ३ रुपैयाँ ३६ पैसा ऋणात्मक रहेको छ भने प्रतिशेयर नेटवर्थ ९० रुपैयाँ ४९ पैसा रहेको छ।
