चालु आर्थिक वर्षको असोज मसान्तसम्ममा कम्पनीले ३ करोड ८७ लाख २१ हजार रुपैयाँ खुद नोक्सानी व्यहोरोको छ। गत आर्थिक वर्षको सोही अवधिसम्ममा कम्पनीले ८ करोड ७१ लाख रुपैयाँ नोक्सानी व्यहोरोको थियो।
लकडाउन खुलेसँगै कम्पनीको आर्थिक प्रशासनिक क्रियाकलापहरु सञ्चालन हुन थालेपछि कम्पनीको नोक्सानी घट्न पुगेको हो। फलस्वरुप गत आर्थिक वर्षको पहिलो त्रैमासमा ३ करोड ७८ लाख रुपैयाँ ऋणात्मक रहेको सञ्चालन आम्दानी चालु आर्थिक वर्षको सोही अवधिसम्म ९१ लाख ३३ हजार रुपैयाँ धनात्मक भएको छ।
असोज मसान्तसम्ममा कम्पनीले ८ करोड १५ लाख रुपैयाँ सञ्चालन आम्दानी गरेको छ। गत आर्थिक वर्षको यसै अवधिसम्ममा कम्पनीको यस्तो आम्दानी ४४ लाख २० हजार रुपैयाँ मात्र थियो।
समीक्षा अवधिमा कम्पनीको चुक्ता पूँजी १३.६४ प्रतिशत बढेको छ। त्यसैगरी, कम्पनीको जगेडा कोष ४३ करोड २२ लाख रुपैयाँ ऋणात्मक रहेको छ।
असोज मसान्तसम्ममा कम्पनीको प्रतिशेयर आम्दानी १० रुपैयाँ १० पैसा ऋणात्मक रहेको छ। त्यसैगरी, कम्पनीको प्रतिशेयर नेटवर्थ ७१ रुपैयाँ ८२ पैसा रहेको छ।
