प्रचलित सामुहिक लगानी कोष नियमावली २०६७ को व्यवस्था तथा नेपाल धितोपत्र बोर्डको निर्देशन बमोजिम खारेजिमा लागिएको सो योजनाको फिर्ता रकमको कर कट्टि गरी वितरण गरिने बताइएको छ ।
इकाई अभौतिकिकरण गराएका इकाईधनीहरुको हकमा असार २७ गते आईपिएस मार्फत सम्बन्धित हितग्राहि खातामा उल्लेख गरिएको इकाइधनीको बैंक खातामा नै रकम फिर्ता गरिने योजना व्यवस्थापक तथा डिपोजिटरी नबिल इन्भेष्टमेन्ट बैंकिङ्गले जनाएको छ ।
कागजी प्रमाणपत्र रहेका इकाईधनीहरु तथा हितग्राही खातामा उल्लेखित बैंक खाता नम्बर रुजु नभएका इकाईधनीहरुले भने असार ३१ गतेदेखि नबिल इन्भेष्टमेन्ट बैंकिङ्ग नक्सालबाट चेक मार्फत रकम प्राप्त गर्न सकिने जनाइएको छ ।
भौतिक रुपमा इकाई रहेका इकाईधनीहरुले रकम फिर्ता लिन आउँदा सक्कल प्रमाणपत्र सहित परिचय खुल्ले आधिकारिक परिचयपत्र अनिवार्य ल्याउनुपर्ने बताइएको छ ।
स्वयं उपस्थित हुन नसक्ने इकाईधनीले लिखित मन्जुरीनामा सहित आवश्यक कागजपत्र सहित रकम फिर्ता लिन आउन नबिल इन्भेष्टमेन्ट बैंकिङ्गले आग्रह गरेको छ ।
