विन्ध्यवासिनी हाइड्रोको २५ लाख कित्ता आइपिओ आउने, सानिमा क्यापिटल बिक्री प्रबन्धक

Jul 29, 2018 Merolagani



विन्ध्यवासिनी हाइड्रोपावर डेभलपमेन्ट कम्पनी लिमिटेडले २५ करोड रुपैयाँ बराबरको २५ लाख कित्ता साधारण शेयर निष्कासन गर्ने भएको छ । कम्पनीले स्थानीयवासी तथा सर्वसाधारण लगानीकर्तालाई उक्त परिमाणको शेयर जारी गर्ने जनाएको छ ।

शेयर निष्काशनको लागि कम्पनीले सानिमा क्यापिटल लिमिटेडलाई निष्काशन तथा बिक्री प्रबन्धक नियुक्त गरेको छ ।

सो क्रममा सानिमा क्यापिटल लिमिटेडका प्रमुख कार्यकारी अधिकृत मनिष नारायण जोशी र विन्ध्यवासिनी हाइड्रोपावर डेभलपमेन्ट कम्पनी लिमिटेडका तर्फबाट संचालक भरत वहादुर पाण्डेले सम्झौतापत्रमा हस्ताक्षर गरे ।

यस कम्पनीले स्थानीयवासीको लागि दश करोड रुपैयाँ बराबरको १० लाख कित्ता र सर्वसाधारणको लागी १५ करोड रुपैयाँ बराबरको १५ लाख कित्ता गरि जम्मा २५ करोड बराबरको २५ लाख कित्ता साधारण शेयर सार्वजनिक निष्काशन गर्न लागेको हो ।

विन्ध्यवासिनी हाइड्रोपावर डेभलपमेन्ट कम्पनीले लमजुङ र कास्की सिमाना रुदीखोलामा ८.८ मेगावाटको रुदी ‘ए’ जलविद्युत् आयोजना निर्माण गरिरहेको छ । ‘रुदी ‘ए’ आयोजना निर्माण सकिनै लागेको छ । उक्त आयोजनासँगै रुदी ‘बी’ आयोजनाको निर्माण पनि अघि बढाएको छ । रुदी ‘बी’ को पनि ५० प्रतिशत निर्माण कार्य सकिएको छ ।

आयोजना १ अर्ब ३ करोड रुपैयाँमा निर्माण हुने भनिए पनि भूकम्प र बाढी पहिरो लगायतका प्राकृतिक प्रकोपले समय लम्बिएकाले लागत बढ्न सक्ने प्रवद्र्धक कम्पनीले जनाएको छ ।

आयोजनाले ०७१ साउन २० मा विद्युत् प्राधिकरणसँग चलनचल्तीको दर (हिउँदमा ८ रुपैयाँ ४० पैसा र बर्खायाममा ४ रुपैयाँ ८० पैसा) मा विद्युत् खरिद–बिक्री सम्झौता (पीपीए) गरिसकेको छ ।




हाइड्रोपावर समूहबाट निस्कँदै लगानीकर्ता, कुन सेक्टरमा बढाउँदैछन् लगानी ? तथ्यांक यस्तो छ

Jul 05, 2025 05:39 PM

गत हप्ता नेप्से परिसूचकले सेन्चुरी मारेर २७ सय माथि टिक्न सफल भएको छ । नेप्सेले सेन्चुरी मार्दै गर्दा लगानीकर्ता भने हाइड्रोपावरबाट सिफ्ट भएर अन्य क्षेत्रतिर गएको देखिएको छ । हाइड्रोपावरबाट लगानीकर्ता विस्तारै विकास बैंक, फाइनान्स र इन्स्योरेन्स समूहमा सरेको तथ्यांकले देखाएको छ ।