अघिल्लो बर्षको यसै अवधिमा ८.३१ प्रतिशत रहेको फाइनान्सको खराब कर्जा १.६९ प्रतिशतमा झरेको छ । जबकी तेस्रो त्रैमासमा जानकीको खराबकर्जा १६.८३ प्रतिशत रहेको थियो । कम्पनीले यसअवधिमा १९ करोड रुपैयाँ खराब कर्जा उठाएको छ । अझै पनि कम्पनीले १३ करोड भन्दा बढी रकम सम्भावित जोखिममा राखेको छ ।
४० करोड ३३ लाख चुक्ता पूजी रहेको फाइनान्स्ले जगेडा कोषमा २८ करोड ४ लाख रहेको छ । कम्पनीको जगेडाकोष समेत निक्कै मजबुत बन्दै गएको छ । जसको निक्षेप एक अर्ब ६५ करोड र कर्जा एक अर्ब ५९ करोड छ ।
खराब कर्जा असुली गर्दा कम्पनीको ब्याज आम्दानी घटेपनि खुद नाफा बढेको हो । तर यसअवधिमा कम्पनीको संचालन मुनाफा भने घटेको छ । फाइनान्सले गत असार मसान्तसम्म १३ करोड ३८ लाख खुद नाफा गरेको छ । जुन अघिल्लो बर्षको तुलनामा झण्डै ३० प्रतिशत बढी हो ।
फाइनान्सको प्रतिशेयर आम्दानी ३३ रुपैयाँ १९ पैसा, मुल्य आम्दानी अनुपात ४.८२ गुणा तथा प्रतिशेयर नेटवर्थ १६९.५३ रुपैयाँ छ ।
