अघिल्लो आर्थिक वर्षमा ६८ लाख ५९ हजार रुपैयाँ खुद नाफा आर्जन गरेको फाइनान्सले गत आर्थिक वर्षको चौथौं त्रैमाससम्ममा जम्मा ६४ लाख ७४ हजार रुपैयाँ मात्रै खुद नाफा आर्जन गरेको हो ।
४ करोड १४ लाख ७३ हजार रुपैयाँ चुक्ता पूँजी रहेको फाइनान्सले जगेडा कोषमा दुई करोड १२ लाख रुपैयाँ सञ्चित गरेको छ । फाइनान्सको निक्षेप १५ करोड ४९ लाखबाट बढेर १८ करोड ९८ लाख पुगेको छ भने असार मसान्त सम्ममा १९ करोड ३१ लाख रूपैयाँ कर्जा लगानी गरेको छ ।
समीक्षा अवधिमा एक करोड ६० लाख खुद ब्याज आम्दानी आर्जन गरेको फाइनान्सले यस अवधिमा १९ करोड ३१ लाख रूपैयाँ कर्जा लगानी गरेको छ ।
अघिल्लो आर्थिक वर्ष फाइनान्सको खराब कर्जा अनुपात ४.२९ रहेकोमा ४.६३ प्रतिशतमा पुगेको छ । खराब कर्जा अनुपात बढेकाले फाइनान्सले ९ लाख ४४ हजार कर्जा नाेक्सानी व्यवस्था गरेकाे देखिन्छ ।
फाइनान्सको प्रति शेयर आम्दानी १५ रुपैयाँ ६० पैसा र नेटवर्थ १५१ रुपैयाँ २५ पैसा रहेको छ ।
