खुद ब्याज आम्दानीमा उल्लेख्य सुधार गरेपछि कम्पनी नाफामा गएको हो ।
गत बर्ष ३४ लाख १७ हजार खुद ब्याज आम्दानी गरेको कम्पनीले एक करोड १६ लाख ५६ हजार रुपैयाँ पुर्याएको छ । उसको सञ्चालन नाफा ३१ लाख ५५ हजार रहेको छ भने २२ लाख ७३ हजार रुपैयाँ खराब कर्जा असुली गरेको छ ।
सात करोड रुपैयाँ चुक्ता पूँजी रहेको लघुवित्त कम्पनीको जगेडा कोष ९८ लाख २३ हजारले ऋणात्मक रहेको छ ।
यस अवधिमा लघुवित्तले १५ करोड ३७ लाख निक्षेप संकलन तथा ५१ करोड ४६ लाख कर्जा सापटी लिएर ६२ करोड रुपैयाँ कर्जा प्रवाह गरेको छ । उसको खराब कर्जा ०.१६ प्रतिशत बढेर १.३७ प्रतिशत पुगेको छ ।
लघुवित्त कम्पनीले कात्तिक ३० गते डाकेको साधारण सभाले सर्वसाधारणमा आइपिओ जारी गर्ने प्रस्ताव पारित गर्नेछ । यसैगरी, उपयुक्त संस्था भेटेमा मर्जर तथा एक्विजिसन प्रक्रिया अघि बढाउनका सञ्चालक समितिलाई अख्तियारी दिने विशेष प्रस्ताव पनि साधारण सभामा रहेको छ ।
सभाबाट पारित भएको शेयर जारी गर्ने प्रस्तावपछि माइक्रोफाइनान्सले नियामक निकाय धितोपत्र बोर्डको अनुमति पश्चात कम्पनीले साधारण शेयर बिक्रीमा ल्याउनेछ । एनआईबिएल एस क्यापिटल कम्पनीको धितोपत्र निष्काशन तथा बिक्री प्रबन्धक रहेको छ ।
साधारण शेयर बिक्री पश्चात माइक्रोफाइनान्सको चुक्ता पुँजी १० करोड रुपैयाँ पुग्नेछ ।
