एक्सेलको पूँजी वृद्धिको असर प्रतिशेयर आम्दानीमा, झण्डै १२ रूपैयाँ झर्याे इपिएस

Nov 04, 2018 Merolagani



एक्सेल डेभलपमेन्ट बैंक (EDBL) को चुक्ता पूँजी वृद्धिको अनुपातमा खुद नाफा वृद्धि सुस्त बन्दा प्रतिशेयर आम्दानी खुम्चिएको छ। ८० प्रतिशतले चुक्ता पूँजी बढाएको यस विकास बैंकको प्रतिशेयर आम्दानीमा ३६.३३ प्रतिशतले संकुचन आएको छ ।

समीक्षा अवधिमा बैंकले ३८ करोड ४६ लाख रुपैयाँको पूँजीलाई बढाएर ६९ करोड २६ लाख रुपैयाँ पुर्याएको हो । 

गत आर्थिक वर्षको पहिलो त्रैमासमा ३२ रुपैयाँ ८० पैसा रहेको बैंकको प्रतिशेयर आम्दानी २० रुपैयाँ ८८ पैसामा झरेको छ । बैंकको प्रतिशेयर आम्दानी ११ रुपैयाँ ९२ पैसाले घटेको हो ।

चालु आर्थिक बर्षको पहिलो त्रैमासमा बैंकले ३ करोड ६१ लाख रुपैयाँ खुद नाफा आर्जन गरेको छ । गत वर्ष यसै अवधिमा बैंकको खुद नाफा तीन करोड १५ लाख रुपैयाँ रहेको थियो ।

बैंकको जगेडा कोषमा पनि ५१ प्रतिशतले संकुचन आएर १८ करोड १६ लाख रुपैयाँ सञ्चित रहेको छ । गत वर्ष बैंकको जगेडा ३७ करोड ६ लाख थियो ।

समीक्षा अवधिसम्ममा ५ अर्ब ७ करोड २२ लाख रुपैयाँ निक्षेप संकलन गरेको बैंकले ४ अर्ब ७५ करोड ५० लाख रुपैयाँ कर्जा परिचलन गरेको छ । निक्षेप ५५.२५ र कर्जा विस्तार २२.७८ प्रतिशतले सुधारिएको हो ।

त्यसैगरी तीन महिनाको अवधिमा बैंकले ८ करोड ५ लाख रुपैयाँ खुद ब्याज आम्दानी गरको छ । यो गत बर्षको भन्दा एक करोड ३४ लाख रुपैयाँले धेरै हो ।

बैंकमा निष्कृय कर्जा ०.७७ प्रतिशतको अनुपातमा रहेको छ । बैंकको प्रतिशेयर नेटवर्थ १२६ रुपैयाँ २२ पैसा र मूल्य आम्दानी अनुपात १३.९३ गुणा बढी रहेको छ ।

यसरी प्रयोग गर्नुहोस डाटा एनालिटिक्स




आठ दिनपछि आयाे सुनको मूल्य, कतिमा हुँदैछ कारोबार ?

Jul 11, 2025 11:30 AM

नेपाली बजारमा सुन र चाँदीको मूल्य आठ दिनपछि आएकाे छ । बिहीबार सरकारसँग ६ बुँदे सहमति भएपछि आज शुक्रबार सुनको मूल्य आएकाे हो । सुन चाँदी व्यवसायीहरुले गरेको आन्दोलन कारण गत असार १९ गते बिहीबारदेखि सुनको मूल्य आएको थिएन ।