कम्पनीले हाल कायम चुक्ता पूँजीको १०ः७ को अनुपातमा ७९ लाख २३ हजार ३०० कित्ता शेयर हकप्रद शेयर निष्काशन गर्नेछ । इन्स्योरेन्सले यस अघि नै शेयर निष्काशन तथा बिक्री प्रबन्धकमा एनआईसी एशिया क्यापिटललाई नियुक्त गरिसकेको छ ।
सूर्या लाइफले यसअघि बिक्री गरेको ४० प्रतिशत हकप्रद र १२ प्रतिशत बोनसपछि एक अर्ब १३ करोड रुपैयाँ चुक्ता पूँजी रहेको छ । ७० प्रतिशत हकप्रद निष्काशन पश्चात इन्स्योरेन्सको चुक्ता पूँजी एक अर्ब ९२ करोड ४२ लाख ३० हजार रुपैयाँ पुग्नेछ ।
बीमा समितिले तोकेको न्यूनतम दुई अर्ब चुक्त्ता पूँजी पुर्याउन इन्स्योरेन्सले शेयरधनीलाई फेरि हकप्रदको भारी बोकाएको हो ।
चालू आर्थिक वर्षको पहिलो त्रैमासमा कम्पनीको प्रति शेयर आम्दनी २२ रुपैयाँ ३६ पैसा, प्रतिशेयर नेटवर्थ १३९ रुपैयाँ ८१ पैसा र मुल्य आम्दानी अनुपात २३.७० गुणा बढी छ ।
