साधारण सभामा यस अघि संचालक समितिले प्रस्ताव गरेको चुक्ता पूँजीको २५ प्रतिशतले हुन आउने ३ करोड ७ लाख ८ हजार ३५० रुपैयाँको बोनस शेयर र १० प्रतिशतका दरले कर सहित १ करोड २२ लाख ८३ हजार ३४० रुपैयाँ नगद लाभांश पारित गर्नेछ ।
यस्तै सर्वसाधारण शेयरधनीहरुको तफबाट संचालक समितिमा प्रतिनिधित्व गर्ने संचालक पदमा ७ जना निर्वचन गर्नेछ ।
साधारण सभा प्रयोजनको लागि कर्पोरेशनले फागुन २४ गते देखि चैत ११ गते सम्म बुक क्लोज गर्ने जनाएको छ । त्यस अुनसार फागुन २३ गते सम्म कायम शेयरधनीले लाभांश पाउनेछ ।
काठमाडौंको कालिमाटीमा केन्द्रीय कार्यालय रहेको यस कम्पनीको चुक्ता पूँजी १२ करोड २७ लाख ९३ हजार ४०० रूपैयाँ रहेको छ । बोनस पश्चात कम्पनीको चुक्ता पूँजी १५ करोड ३४ लाख ९१ हजार ७५० रूपैयाँ पुग्नेछ ।