लघुवित्तले गत पुस १० गते २ करोड ५० लाख रुपैयाँ बराबरको २ लाख ५० हजार कित्ता आईपिओ निष्काशन गर्न माग गर्दै बोर्डमा निवेदन दिएको थियो ।
लघुवित्तको शेयर निष्काशन तथा बिक्री प्रबन्धकमा एनआईबिएल एस क्यापिटल रहेको छ ।
लघुवित्तको जारी पूँजी ७ करोड ७५ लाख रुपैयाँ रहेको छ भने संस्थापक समूहबाट ५ करोड २५ लाख रुपैयाँ चुक्ता भैसकेको छ ।
लघुवित्त वित्तीय संस्थाको केन्द्रीय कार्यालय धनकुटामा रहेको छ। २२ वटा शाखा कार्यालय रहेको लघुवित्तले पूर्वका १० जिल्लालाई आफ्नो कार्यक्षेत्र बनाउँदै आएको छ।
चालु आर्थिक वर्षको दोस्रो त्रैमासमा लघुवित्तले ४० लाख ९० हजार रुपैयाँ खुद नाफा आर्जन गरेको छ । पुस मसान्तसम्म ५१ करोड बढी कर्जा प्रवाह गरेको लघुवित्तले एक करोड २२ लाख खुद ब्याज आम्दानी गरेको थियो । लघुवित्तमा खराब कर्जा अनुपात ३.८३ प्रतिशत रहेको छ ।
