अनलाइन प्रणाली सुधार गर्न वाईकोले मागेको महिना दिन सकियो, के के भयो ?

Apr 23, 2019 Merolagani

शेयर दलाल तथा नेप्सेका पदाधिकारीसँग अनलाइन प्रणालीमा दनेखिएका समस्या समाधान गर्न वाईको प्रालिले मागेको समय सकिएको छ । गत चैत ८ गते नेप्सेले सबै पक्षलाई समस्या समाधानका लागि बोलाएको छलफलमा वाईकोले एक महिनाको समय माग गरेर सबै समस्या समाधान गर्ने बताएको थियो ।

वाइकोले अब अनलाइन कारोबार प्रणालीमा समस्याहरु नदेखिने दाबी गरेको छ । आफुले मागेको समयसीमामा गरिएका सुधारहरुका बरेमा निरीक्षण गर्नका लागि नेपाल स्टक एक्सचेञ्चलाई आग्रह गरिएको वाइकोका प्रमुख कार्यकारी अधिकृत दिपेश प्रधानले मेरोलगानीलाई बताए ।

मेरोलगानीसँगको कुराकानीमा प्रधानले भने, 'हामीले अनलाइन प्रणालीलाई अन्तर्राष्ट्रियस्तरको बनाएका छौं । अहिलेको अवस्थामा फेरी एक पटक यूएटी (युजर एसेप्टेन्स टेस्ट) गराएर आईएसओ मान्यता पाउने अवस्थामा प्रणालीको सुधार गरिएको छ ।'

पहिलो पटक आंशिक रुपमा अनलाइन प्रणाली सञ्चालनमा आए पछि भदौ, असोजमा पहिलो पटक यूएटी गरिएको थियो । नेप्सेले गुणस्तरमा कुनै पनि गुनासो आउन नहुने भन्दै वाइकोलाई प्रणाली चुस्त र अन्तर्राष्ट्रियस्तरको बनाउन दवाब दिएको थियो ।

यसै क्रममा एक महिना पहिले नेप्सेले शेयर दलाल तथा वाइकोका प्रतिनिधिलाई बोलाएर प्रणालीमा देखिएका समस्या र समाधानका उपायको खोजी गरेको थियो । उक्त छलफलमा आएका सुझावका आधारमा सबै किसिमका साना ठुला समस्यालाई सुधार गरी आएसओ मान्यता पाउन सक्ने अवस्थामा पुर्याइएको वाईको प्रमुख कार्यकारी अधिकृत प्रधानको दाबी छ ।

सुधार पछिको अवस्थामा यूएटी गरेर नेप्सेले आईएसओ प्रमाणीकरणको प्रकृया अघि बढाउने बताइएको छ । यसले लगानीकर्ता, शेयर दलाल तथा सम्बद्ध पक्षलाई प्रणालीप्रति विश्वास जगाउन टेवा पुग्ने अपेक्षा गरिएको छ ।

शेयर किन्दा वा बेच्दा रिस्क म्यानेजमेण्ट सिष्टममा भएको पहिलेको व्यवस्थालाई अहिले सुधार गरी शेयर किन्दा मात्र शेयरकोमा रकम जम्मा गर्नु पर्ने व्यवस्था कार्यान्वायनमा आईसकेको प्रधानले जानकारी दिए ।

उनका अनुसार यस अघि शेयर दलालको शाखाहरुबाट हुने कारोबारको कार्यसम्पादन केन्द्रले मात्र मिलान गर्ने व्यवस्थामा पनि परिमार्जन गरी शाखा कार्यालयले नै सबै कामहरु पुरा गर्न सक्ने प्रणालीको विकास गरिएको छ ।

प्यान नम्बर प्रबिष्ट गर्ने प्रणालीको विकास गरिएको बताएका प्रधानले साना ठुला किसिमका मात्र नभई साना किसिमका सम्भावित समस्याको पनि समाधान गरिएको बताए । अबका दिनमा कारोबारका क्रममा कुनै पनि किसिमको समस्या नदेखिने भन्दै उनले लगानीकर्तालाई विश्वस्त भएर शेयर कारोबार गर्न आग्रह गरे ।

क्लियरिंग हाउसमा आबद्ध बैंक तथा वित्तीय संस्थाहरुलाई अनलाइन प्रणालीमा पहिलो चरणमा इटिग्रेशन गराउने काम सकिएको छ । अब दोस्रो चरणको इण्टिग्रशेन अन्तिम चरणमा पुगेको बताइएको छ । यो इण्टिग्रोसन पछि शेयर कारोबारका दौरान रकमको राफसाफ सहज बन्ने प्रधानको भनाई छ ।

केही समयमा नै सुधारका सबै कामको बारेमा लगानीकर्ता, शेयर दलाल, धितोपत्र बोर्ड, नेप्से लगायतका सम्बद्ध पक्षहरुलाई प्रष्ट अनि बुझिने शैलीमा प्रस्तुती दिइने दिपेश प्रधानले जानकारी दिए ।

उता स्टक ब्रोकर एशोसिएसनका अध्यक्ष भरत रानाभाटले विगतमा जस्तो अनलाइन प्रणालीमा धेरै समस्याहरु देखिन छाडेको बताए । यद्यपी पछिल्ला दिनमा गरिएका सुधारका सम्बन्धमा औपचारिक रुपमा कुनै विषय बाहिर नआएका कारण फेरी समस्या नआउला भन्नेमा ढुक्क हुन सक्ने अवस्था नरहेकोरानाभाटले बताए ।

वाइकोले समय मागे पछिका दिनमा कुनै पनि किसिमको सम्वाद नभएका कारण आफुहरु सुधारका कामहरु बारे अनभिज्ञ रहेको उनको भनाई थियो । सुधारका सम्बन्धमा जानकारी पाए पछि त्यसका विविध पक्षलाई हेरेर मात्र समस्या भए नभएको यकिन गर्न सकिने रानाभाटले मेरोलगानीलाई बताए ।

अनलाइन प्रणालीका सम्बन्धमा नेप्से, वाइको र शेयर दलालको छलफलमा के भयो ?


comments powered by Disqus

कुखुरा व्यवसायीकाे बिचल्ली, दैनिक २२ करोड नोक्सान

Apr 09, 2020 02:06 PM

हरेक साता ४२ लाख जिउँदो चल्ला खाल्डोमा पुरेर माउलाई दाना जोहो गरिरहेका छन् ‘ह्याचरी’ व्यवसायी । गोदाममा अण्डाको हेरिनसक्नुको थुप्रो छ । उता हुर्किएका ब्रोईलर कुखुरा पनि खान नपाएर खोरमै मर्न थालेका छन् ।