अरुण भ्याली हाइड्रोपावरले बढायो १५० प्रतिशतले खुद नाफा

Aug 13, 2019 12:18 PM Merolagani

अरुण भ्याली हाइड्रोपावर (AHPC) ले गत आर्थिक वर्षको चौंथो त्रैमाससम्ममा झण्डै १५० प्रतिशतले खुद नाफा बढाएको वित्तीय विवरण सार्वजानिक गरेको छ । कम्पनीको विद्युत बिक्रीबाट हुने आम्दानी र अन्य स्रोत मार्फत हुने आम्दानी बढ्दा उसको खुद नाफा पनि बढेको हो ।

गत आर्थिक बर्षको सोहि अवधिमा अरुण भ्याली हाइड्रोपावरले ५ करोड ३२ लाख रुपैयाँ खुद नाफा कमाएको छ। जुन अघिल्लो आवको तुलनामा १४९.४२ प्रतिशतले धेरै हो। अघिल्लो आर्थिक वर्षको चौंथो त्रैमाससम्ममा २ करोड १३ लाख रुपैयाँ खुद नाफा कमाएको थियो।

समीक्षा अवधिमा कम्पनीले विद्युत बिक्रीबाट हुने आम्दानी २७ लाख रुपैयाँले बढाएर ५ करोड ४७ लाख रुपैयाँ पुर्याएको छ। गत आवमा उसले बिद्युत बिक्री मार्फत ५ करोड २० लाख रुपैयाँ आम्दानी गरेको थियो ।

त्यस्तै कम्पनीको अन्य स्रोत मार्फत हुने आम्दानी पनि बढेको छ। अघिल्लो आवमा बिद्युत बिक्री बाहेकका अन्य स्रोत मार्फत १ करोड ८९ लाख रुपैयाँ आम्दानी गरेको कम्पनीले गत आवमा ४ करोड २२ लाख रुपैयाँ आम्दानी गरेको छ ।

हाल ९३ करोड ३० लाख रुपैयाँ चुक्ता पुँजी रहेको कम्पनीले जगेडा कोषमा ७ करोड ७८ लाख रुपैयाँ राखेको छ । समिक्षा अवधिमा हाइड्रोपावरले जगेडा कोष ५ करोड ३२  लाख रुपैयाँले बढाएको हो । 

हाइड्रोपावरको प्रतिशेयर आम्दानी ५ रुपैयाँ ७४ पैसा छ भने प्रतिशेयर नेटवर्थ १०८ रुपैयाँ ३४ पैसा र मूल्य आम्दानी अनुपात १८.८२ गुणा छ । अरुण भ्यालीको सोमबार दोस्रो बजारमा शेयरमूल्य १०४ रुपैयाँमा कारोबार बन्द भएको थियो ।


comments powered by Disqus

भारित औसत लागत गणना व्यवस्थित बनाउदाँ मेरो शेयर सफ्टवेयरमा केहिदिन समस्या हुनसक्ने

Aug 23, 2019 05:44 PM

केन्द्रीय निक्षेप प्रणाली (सिडिएस एण्ड क्लियरिङ्ग) को मेरो शेयर सफ्टवयरमा केहि ढिला–सुस्ती हुन सक्ने भएको छ । कम्पनीले पूँजीगत लाभकर गणनाका लागि लगानीकर्ताको लागत प्रवृष्टि गरि भारित औसत गणना गर्ने व्यवस्था गरिन लागेकाले सो प्रणालीमा डेटा माइग्रेसका लागि केही दिन प्रणालीमा समस्या देखिनसक्ने जनाएको छ।