गत आर्थिक बर्षको सोहि अवधिमा अरुण भ्याली हाइड्रोपावरले ५ करोड ३२ लाख रुपैयाँ खुद नाफा कमाएको छ। जुन अघिल्लो आवको तुलनामा १४९.४२ प्रतिशतले धेरै हो। अघिल्लो आर्थिक वर्षको चौंथो त्रैमाससम्ममा २ करोड १३ लाख रुपैयाँ खुद नाफा कमाएको थियो।
समीक्षा अवधिमा कम्पनीले विद्युत बिक्रीबाट हुने आम्दानी २७ लाख रुपैयाँले बढाएर ५ करोड ४७ लाख रुपैयाँ पुर्याएको छ। गत आवमा उसले बिद्युत बिक्री मार्फत ५ करोड २० लाख रुपैयाँ आम्दानी गरेको थियो ।
त्यस्तै कम्पनीको अन्य स्रोत मार्फत हुने आम्दानी पनि बढेको छ। अघिल्लो आवमा बिद्युत बिक्री बाहेकका अन्य स्रोत मार्फत १ करोड ८९ लाख रुपैयाँ आम्दानी गरेको कम्पनीले गत आवमा ४ करोड २२ लाख रुपैयाँ आम्दानी गरेको छ ।
हाल ९३ करोड ३० लाख रुपैयाँ चुक्ता पुँजी रहेको कम्पनीले जगेडा कोषमा ७ करोड ७८ लाख रुपैयाँ राखेको छ । समिक्षा अवधिमा हाइड्रोपावरले जगेडा कोष ५ करोड ३२ लाख रुपैयाँले बढाएको हो ।
हाइड्रोपावरको प्रतिशेयर आम्दानी ५ रुपैयाँ ७४ पैसा छ भने प्रतिशेयर नेटवर्थ १०८ रुपैयाँ ३४ पैसा र मूल्य आम्दानी अनुपात १८.८२ गुणा छ । अरुण भ्यालीको सोमबार दोस्रो बजारमा शेयरमूल्य १०४ रुपैयाँमा कारोबार बन्द भएको थियो ।
