अघिल्लो आवमा २३ करोड ८३ लाख रुपैयाँ खुद नाफा कमाएको कम्पनीले गत आर्थिक वर्षको सोहि अवधिमा ४३ करोड २ लाख रुपैयाँ खुद नाफा कमाएको छ । जुन अघिल्लो आवको तुलनामा २० करोड रुपैयाँले धेरै हो ।
कम्पनीको खुद ब्याज आम्दानी र सञ्चालन नाफामा वृद्धि हुँदा उसको खुद नाफा पनि बढेको हो। अघिल्लो वर्ष ६२ करोड ५७ लाख रुपैयाँ खुद ब्याज आम्दानी गरेको कम्पनीले गत वर्ष ८१ करोड ६१ लख रुपैयाँ खुद ब्याज आम्दानी गरेको छ।
कम्पनीले निक्षेप संकलन २ अर्ब ४१ करोड रुपेयाँबाट बढाएर ३ अर्ब ८२ करोड रुपैयाँ पुर्याएको छ भने कर्जा लगानी ७ अर्ब ७५ करोड रुपैयाँबाट बढाएर ११ अर्ब ९६ करोड रुपैयाँ पुर्याएको छ।
चुक्ता पूँजी ७ अर्ब ७३ करोड रुपैयाँ रहेको लघुवित्तले जगेडा कोषमा ७८ करोड २८ लाख रुपैयाँ राखेको छ । उसको खराब कर्जा अनुपात ०.७५ बाट थोरै बढेर ०.८४ प्रतिशत पुगेको छ।
प्रतिशेयर आम्दानी ५५ रुपैयाँ ६२ पैसा रहेको लघुवित्तको प्रतिशेयर नेटवर्थ २०१ रुपैयाँ २२ पैसा र मूल्य आम्दानी अनुपात १२.९८ गुणा छ।
