नेप्सेमा कारोबार खुल्ने अन्तिम चरणमा रहेको सबैको लघुवित्तको अधिकांश सूचकमा उत्कृष्ट सुधार

Aug 18, 2019 01:36 PM Merolagani

सबैको लघुवित्त वित्तीय संस्था (SABIAK) ले गत आर्थिक वर्षको चौंथो त्रैमाससम्ममा खुद नाफामा उत्कृष्ट सुधार गरेको छ। साउन १ देखि ५ गतेसम्म आईपिओ निष्कासन गरेर नेप्सेमा शेयर कारोबार खुल्न बाँकी रहेको यस लघुवित्तको आफ्नो वित्तीय विवरणमा उत्कृष्ठ सुधार गरेको छ ।

अघिल्लो आवमा ९ लाख ६८ हजार रुपैयाँ खुद नाफा आर्जन गरेको लघुवित्तले गत आवको चौंथो त्रैमाससम्ममा तीन करोड २ लाख रुपैयाँले वृद्धि गरि ३ करोड १२ लाख रुपैयाँ खुद नाफा आर्जन गरेको छ।

खुद ब्याज आम्दानी बढेसँगै लघुवित्तको खुद नाफामा उल्लेख्य बढोत्तरी देखिएको हो। 

यस अवधिमा लघुवित्तले ७ करोड ८१ लाख रुपैयाँ खुद ब्याज आम्दानी गरेको छ। यो अघिल्लो वर्षको यसै अवधिको तुलनामा ५ करोड ८८ लाख रुपैयाँले बढी हो । अघिल्लो आवमा लघुवित्तले एक करोड ९३ लाख रुपैयाँ खुद ब्याज आम्दानी गरेको थियो।

वित्तीय विवरणमा ११ करोड २० लाख रुपैयाँको चुक्ता पूँजी उल्लेख गरेको लघुवित्तको प्रतिशेयर आम्दानी २७ रुपैयाँ ८७ पैसा छ। आईपीओ बिक्रीपछि कम्पनीको चुक्ता पूँजी १६ करोड ५० लाख रुपैयाँ पुगेको छ। 

लघुवित्तले जगेडा कोषमा उत्कृष्ट सुधार गर्दै ३ करोड २२ लाख रुपैयाँ सञ्चित गरेको छ । अघिल्लो आवमा लघुवित्तको जगेडा कोषमा ९ लाख ८७ हजार रुपैयाँ सञ्चित गरेको थियो। 

यस अवधिमा लघुवित्तले ४२ करोड ७५ लाख निक्षेप संकलन र एक अर्ब १० करोड ८० लाख सापटीबाट एक अर्ब ५९ करोड २३ लाख रुपयाँ बराबरको कर्जा परिचालन गरेको छ।

लघुवित्तको निष्क्रिय कर्जा अनुपात ०.०१ बाट बढेर ०.४५ प्रतिशत पुगेको छ । 

लघुवित्तले साउन १ देखि ५ गतेसम्म ५ लाख ३० हजार कित्ता शेयर जारी गरेर १० गते बाँडफाँड गरेको थियो।उक्त शेयर सूचीकृत हुन बाँकी छ ।


comments powered by Disqus

'सरकारले सामाजिक सुरक्षा कोषमा रहेको पैसा श्रमीक र उद्योगकै रिजेनेरेट गर्न प्रयोग गर्नुपर्छ'

Apr 05, 2020 03:02 PM

सरकारले अहिले उद्योगधन्दाको विषयमा जुन काम गरेको त्यो पर्याप्त छैन। यसको असर कम्तिमा एक डेढ वर्षसम्म पर्छ। यो अहिले नै सकिने इम्प्याक्ट होइन। देशको एउटा मात्र उद्योगमा असर परेको हैन यो सबै उद्योगमा असर परेको हो। नेपालमा मात्र हैन अन्तराष्ट्रिय क्षेत्रमा समेत सानादेखि ठुला सबै उद्योगमा यसको असर परेको छ।