अघिल्लो आर्थिक वर्षको यसै अवधिमा कम्पनीले १२ करोड १२ लाख रुपैयाँ खुद नाफा गरेको थियो।समीक्षा अवधिमा कम्पनीको नाफा ७२ प्रतिशतले बढेको हो।
यस्तै इन्स्योरेन्सले गत आर्थिक वर्षमा २ अर्ब ४८ करोड ८९ लाख रुपैयाँ खुद बीमा शुल्क संकलन गरेको छ। यो अघिल्लो आर्थिक वर्षको यहि अवधिको तुलनामा ८३ करोड ३९ लाख रुपैयाँ अर्थात ४९.४९ प्रतिशतले धेरै हो। अघिल्लो आर्थिक वर्षको असार मसान्तसम्ममा इन्स्योरेन्सले एक अर्ब ६६ करोड ४९ लाख रुपैयाँ मात्रै खुद बीमा शुल्क आर्जन गरेको थियो।
गत आवमा इन्स्योरेन्सले लगानी कर्जा तथा अन्यबाट ४५ करोड ३५ लाख रुपैयाँ र बीमालेख धितोमा ४६ करोड ३ लाख रुपैयाँ लगानी गरी ३ करोड ७ लाख रुपैयाँ व्याज आम्दानी गरेको हो।
कम्पनीको चुक्ता पूँजी १ अर्ब २६ करोड रुपैयाँ छ। यस्तै जगेडा कोषमा ३९ करोड ९ लाख रुपैयाँ, जीवन बीमा कोषमा ५ अर्ब २५ करोड २४ लाख र महाविपत्ति कोषमा ७ करोड ७६ लाख रुपैयाँ सञ्चित छ।
कम्पनीले गत आर्थिक वर्षको असार मसान्त सम्ममा ३ लाख ७६ हजार ९६७ बीमालेख जारी गरी २ अर्ब ५५ करोड ८ लाख रुपैयाँ कूल बीमा शुल्क आर्जन गरेको छ। कम्पनीले एक हजार ७७४ कूल दाबी बापत २७ करोड ५८ लाख रुपैयाँ भुक्तानी गरेको छ भने ७६९ दाबी वापत २ करोड ६६ लाख रुपैयाँ दाबी भुक्तानी गर्न बाँकी छ।
कम्पनीको वार्षिक प्रतिशेयर आम्दानी १६ रुपैयाँ ४६ पैसा, प्रतिशेयर नेटवर्थ १३८ रुपैयाँ ४९ पैसा र मूल्य आम्दानी अनुपात २७.७१ गुणा छ।
