तिनाउ मिसन डेभलपमेन्ट बैंकसँग गाभिन लागेको बैंकले कमाएको यो नाफा अघिल्लो वर्षको यसै अवधिको तुलनामा ७१ लाख २१ हजार रुपैयाँ अर्थात् १३.५९ प्रतिशतले धेरै हो। अघिल्लो आवमा बैंकले ५ करोड २४ लाख १९ हजार रुपैयाँ खुद नाफा आर्जन गरेको थियो।
खुद ब्याज आम्दानी र सञ्चालन नाफा बढेसँगै बैंकको खुद नाफामा बढोत्तरी देखिएको हो।
चौंथो त्रैमाससम्म बैंकले १८ करोड ४१ लाख ६९ हजार रुपैयाँ खुद ब्याज आम्दानी गरेको छ। यो अघिल्लो वर्षको यसै अवधिको तुलनामा ३७.७० प्रतिशतले धेरै हो।
अघिल्लो आवमा बैंकले १३ करोड ३७ लाख ४६ हजार रुपैयाँ खुद ब्याज आम्दानी गरेको थियो।
५३ करोड १६ लाख रुपैयाँ बराबरको चुक्ता पूँजी स्थिर राखेको बैंकले जगेडा कोषमा ९०.६५ प्रतिशतले सुधार गर्दै ४ करोड ७२ लाख २८ हजार रुपैयाँ सञ्चित गरेको छ। यस अवधिमा बैंकले ३ अर्ब ९० करोड ५६ लाख रुपैयाँ निक्षेप संकलन गरी ३ अर्ब २० करोड ७ लाख रुपैयाँ बराबरको कर्जा परिचालन गरेको छ।
बैंकको प्रतिशेयर आम्दानी ११ रुपैयाँ २० पैसा, प्रतिशेयर नेटवर्थ ११४ रुपैयाँ ५० पैसा र मूल्य आम्दानी अनुपात १४.७५ गुणा छ।
