समीक्षा अवधिमा कम्पनीले ७ अर्ब ४३ करोड ७५ लाख रुपैयाँ निक्षेप संकलन गरी ६ अर्ब ३४ करोड ५१ लाख रुपैयाँ कर्जा प्रवाह गरेको छ। यसबाट बैंकले ४० करोड ५२ लाख खु्द ब्याज आम्दानी र २५ करोड ७ लाख सञ्चालन मुनाफा कमाएको छ ।
अघिल्लो आवमा बैंकले ५ अर्ब २३ करोड निक्षेप संकलन गरी ४ अर्ब २५ करोड ६८ लाख रुपैयाँ कर्जा प्रवाह गरेको थियो। यसबाट बैंकले ३४ करोड ९९ लाख खु्द ब्याज आम्दानी र २३ करोड ८४ लाख सञ्चालन मुनाफा कमाएको थियो।
६९ करोड २६ लाख ७३ हजार रुपैयाँ चुक्ता पूँजी रहेको बैंकको जगेडा कोषमा ३१ करोड २ लाख रुपैयाँ राखेको छ। एक वर्ष अवधिमा बैंकको जगेडा कोष ४ करोड बढेको बढेको छ ।
उसको निष्कृय कर्जा अनुपात ०.६१ प्रतिशत रहेको बैंकको प्रतिशेयर आम्दानी २३ रुपैयाँ ७१ पैसा, प्रतिशेयर नेटवर्थ १४४ रुपैयाँ ७९ पैसा र मूल्य आम्दानी अनुपात ११.९४ गुणा छ।
बैंकको आधार ब्याजदर १०.२४, कर्जा निक्षेप अनुपात ७५.७३ र पूँजी कोष अनुपात १२.९९, कोषको लागत ७.५० प्रतिशत रहेको छ। बैंकको आधार ब्याजदर, कोषको लागत, कर्जा निक्षेप अनुपात बढेको छ भने पूँजी कोष अनुपात घटेको छ।
