कामना सेवा विकास बैंकको खुद नाफा करिब ५ करोडले घट्यो, निक्षेप संकलन र कर्जा प्रवहामा भने सुधार

Aug 16, 2019 06:22 PM Merolagani

कामना सेवा विकास बैंक (KSBBL) ले गत आर्थिक वर्ष २०७५/७६ मा खुद मुनाफा ३२ करोड ५४ लाख रुपैयाँ आर्जन गरेको छ। यो अघिल्लो आर्थिक वर्षको यहि अवधिको तुलनामा ४ करोड ९३ लाख रुपैयाँले कम हो । अघिल्लो आर्थिक वर्षको यहि अवधिमा बैंकले ३७ करोड ४७ लाख रुपैयाँ आम्दानी गरेको थियो ।

शाखा विस्तारसँगै बैंकको सञ्चालन खर्च तथा कर्मचारी खर्चमा वृद्धिका कारण नाफा घटेको बैंकको दाबी छ ।

बैंकको निक्षेप संकलन तथा कर्जा प्रवहाको अनुपातमा भने सुधार भएको छ। बैंकले गत आर्थिक वर्षमा १५ अर्ब ७५ करोड रहेको निक्षेप ४५.८७ प्रतिशतले वृद्धि भई २२ अर्ब ९७ करोड रुपैयाँ निक्षेप संकलन गरेको हो । यस्तै कर्जा तर्फ ५२.८६ प्रतिशतले वृद्धि गरी २० अर्ब १८ करोड रुपैयाँ लगानी गरेको छ । अघिल्लो वर्ष बैंकले १३ अर्ब २० करोड रुपैयाँ कर्जा प्रवहा गरेको थियो ।

दूई अर्ब ५४ करोड रुपैयाँ चुक्ता पूँजी रहेको बैंकको जगेडा कोषमा ५० करोड ३८ लाख रुपैयाँ संचित छ ।
बैंकको खुद ब्याज आम्दानी १७.६९ प्रतिशतले वृद्धि भई ८८ करोड ७७ लाख रुपैयाँ पुगेको छ भने बैंकको निष्कृय कर्जा १.१३ प्रतिशतबाट ०.९० प्रतिशतमा झरेको छ ।

आर्थिक वर्ष २०७५/७६ को असार मसान्तमा बैंकको पूँजीकोष अनुपात १७.०३ प्रतिशत रहेको छ । त्यस्तै प्रति शेयर आम्दानी १३ रुपैयाँ ७० पैसा, प्रति शेयर नेटवर्थ १३१ रुपैयाँ ०९ पैसा, तरलता अनुपात २२.७४ प्रतिशत र मूल्य आम्दानी अनुपात ११.६८ गुणा बढी छ ।

 


comments powered by Disqus

भारतकाे बजेटबाट नेपालले सिक्नु पर्ने छ वटा पाठ

Feb 24, 2020 06:28 PM

नर बहादुर थापा

भारतले फेब्रुअरी १ मा आउँदो आर्थिक वर्ष (२०२०/०२१) को लागि बजेट सार्वजनिक गरेको छ। आर्थिक वर्ष शुरु हुनुभन्दा दुई महिना अगाडि नै बजेट सार्वजनिक गरेको हो। भारतले हालसालै प्रस्तुत गरेको बजेटबाट नेपालले खासगरी बजेट तर्जुमाको सम्बन्धमा केही सिक्न सक्छ।