एनएमबि बैंकसँग मर्जर प्रकृया रहेको यस विकास बैंकको आम्दानीका समग्र सूचकहरु बढेका छन्।
चौंथो त्रैमासिक अवधिमा बैंकले कोषको लागत घटाएर खराब कर्जामा खुधार गरेको छ भने पूँजी कोष अनुपात, प्रतिशेयर आम्दानी, निक्षेप संकलन तथा कर्जा लगानी विस्तार गरेको छ ।
असार मसान्तसम्म बैंकले २१ अर्ब ९३ करोड ८७ लाख रुपैयाँ निक्षेप संकलन गरि २३ अर्ब १ करोड ७७ लाख रुपैयाँ कर्जा विस्तार गरेको छ । समीक्षा अवधिमा बैंकले १ अर्ब ८ करोडले निक्षेप र ४ अर्ब ७० करोडले कर्जा लगानी विस्तार गरेको हो।
गत आवमा बैंकले एक अर्ब २२ करोड ५१ लाख रुपैयाँ खुद ब्याज आम्दानी गरेको छ भने बैंकको सञ्चालन मुनाफा ७९ करोड ६५ लाख छ।
दुई अर्ब ५१ करोड ५२ लाख रुपैयाँ चुक्ता पूँजी रहेको बैंकको जगेडा कोषमा ६८ करोड ३४ लाख र शेयरधनी कोषमा ७१ करोड २२ लाख तथा २ करोड ८६ लाख शेयर प्रिमिय रहेको सञ्चित छ ।
ओमको प्रतिशेयर आम्दानी पनि सुधार भएको छ। बैंकको इपिएस १९ रुपैयाँ ५२ पैसाबाट वृद्धि भई २९ रुपैयाँ ६५ पैसा कायम भएको छ । यस अवधिमा खराब कर्जा अनुपात ०.९५ बाट घटाएर ०.६४ प्रतिशतमा झारेको छ ।
बैंकको प्रतिशेयर नेटवर्थ १५६ रुपैयाँ ६३ पैसा र मूल्य आम्दानी अनुपात ६.६४ गुणा छ। यसैगरि बैंकको आधार ब्याजदर ११.१९, कोषको लागत ८.९६, पूँजीकोष अनुपात १५.४७ प्रतिशत रहेको छ ।
