लघुवित्तले हाल कायम चुक्ता पूँजी २४ करोड २० लाख रुपैयाँको १५ प्रतिशत हुन आउने ३ करोड ६३ लाख रुपैयाँ बराबरको बोनस र कर सहित ११.३२ प्रतिशत अर्थात २ करोड ७३ लाख रुपैयाँ नगद लाभांश वितरण गर्ने प्रस्ताव गरेको हो ।
लघुवित्तको लाभांश नेपाल राष्ट्रबाट स्वीकृत भएर वार्षिक साधारण सभाबाट पारित भएपछि शेयरधनीलाई वितरण हुनेछ। हाल २४ करोड २० लाख रुपैयाँ चुक्ता पूँजी रहेको लघुवित्तको प्रस्तावित १५ प्रतिशत बोनस वितरण पश्चात पूँजी २७ करोड ८३ लाख रुपैयाँ पुग्नेछ ।
लघुवित्तले अघिल्लो आवको तुलनामा गत आर्थिक वर्षमा व्यवसाय विस्तार बढाउँदा खुद नाफा २६.७८ प्रतिशतले सुधार भई ११ करोड ९ लाख आर्जन गरेको थियो। यस अवधिमा प्रतिशेयर आम्दानी ४५ रुपैयाँ १६ पैसा कायम भएको थियो।
अघिल्लो आर्थिक वर्ष २०७४/०७५ मा लघुवित्त कम्पनीले शेयरधनीलाई २६.३२ प्रतिशत नगद लाभांश मात्र वितरण गरेको थियो।