लघुवित्तको भदौ २४ गते मंगलबार बसेको सञ्चालक समितिको बैठकले शेयरधनीहरुलाई चुक्ता पूँजीको २७.११८६ प्रतिशत बोनस शेयर र १७.२१६८ प्रतिशत नगद लाभांश गरी कूल ४४.३३ प्रतिशत लाभांश वितरण गर्ने प्रस्ताव गरेको हो ।
अघिल्लो आर्थिक वर्ष २०७४/०७५ बाट लघुवित्त कम्पनीले शेयरधनीलाई १८ प्रतिशत बोनस शेयर र २२ प्रतिशत नगद लाभांश गरि कूल ४० प्रतिशत लाभांश वितरण गरेको थियो।
हाल १ अर्ब १८ करोड रुपैयाँ चुक्ता पूँजी रहेको लघुवित्तको ३२ करोड रुपैयाँ बराबरको बोनस वितरण पश्चात पूँजी १ अर्ब ५० करोड रुपैयाँ पुग्नेछ ।
छिमेक लघुवित्तले गत आर्थिक वर्षको चौंथो त्रैमाससम्ममा ३८.६८ प्रतिशतले खुद नाफा बढाएर ९२ करोड ७ लाख रुपैयाँ कमाएको थियो।
चुक्ता पूँजी एक अर्ब १८ करोड रुपैयाँ रहेको लघुवित्तको यस अवधिमा निष्कृय कर्जा अनुपात ०.२८ प्रतिशत छ। लघुवित्तको प्रतिशेयर आम्दानी ७८ रुपैयाँ ०३ पैसा र प्रतिशेयर नेटवर्थ २३८ रुपैयाँ ९१ पैसा थियो।