सप्तकोशी डेभलपमेन्ट बैंकको नाफा १३५% बढ्यो, खराब कर्जामा उच्च बढोत्तरी

Nov 17, 2019 05:42 PM Merolagani

सप्तकोशी डेभलपमेन्ट बैंक (SKDBL) ले चालु आर्थिक वर्षको पहिलो त्रैमासमा खुद नाफा बढाएको वित्तीय विवरण सार्वजानिक गरेको छ। गत आर्थिक वर्षको पहिलो त्रैमासको तुलनामा बैंकको नाफा १३५.०६ प्रतिशतले बढेको हो।

गत आर्थिक वर्षको पहिलो त्रैमासमा ३७ लाख ५ हजार रुपैयाँ खुद नाफा कमाएको बैंकले चालु आर्थिक वर्षको सोहि अवधिमा ८७ लाख ११ हजार रुपैयाँ नाफा कमाएको छ। 

बैंकको खुद ब्याज आम्दानी र सञ्चालन नाफामा सुधार हुँदा उसको नाफा बढेको हो। गत आर्थिक वर्षको पहिलो त्रैमासमा २ करोड ७० लाख रुपैयाँ खुद ब्याज आम्दानी गरेको बैंकले यस वर्ष सो आम्दानी बढाएर ५ करोड ५५ लाख रुपैयाँ पुर्याएको छ।

समिक्षा अवधिमा बैंकले २ अर्ब ८७ करोड रुपैयाँ निक्षेप संकलन गरी २ अर्ब ४४ करोड रुपैयाँ कर्जा लगानी गरेको छ।

हाल ७८ करोड ७१ लाख रुपैयाँ चुक्ता पूँजी रहेको बैंकले जगेडा कोषमा १० करोड ७ लाख रुपैयाँ राखेको छ।

बैंकको निष्कृय कर्जा भने ह्वातै बढेको छ । गत वर्षको पहिलो त्रैमासमा १.४८ प्रतिशत रहेको बैंकको निष्कृय कर्जा चालु आर्थिक वर्षको पहिलो त्रैमासमा आइपुग्दा बढेर ३.३३ प्रतिशत पुगेको हो।

बैंकको प्रतिशेयर आम्दानी वार्षिक ४ रुपैयाँ ४३ पैसा, प्रतिशेयर नेटवर्थ १२४ रुपैयाँ ५२ पैसा र मूल्य आम्दानी अनुपात २७.७७ गुणा छ।


comments powered by Disqus

मध्य भोटेकोसीले आइपीओ निष्कासन गर्न बोर्डसँग माग्यो अनुमति

Jan 23, 2020 08:09 PM

मध्य भोटेकोसी जलविद्युत आयोजनाले प्राथामिक शेयर (आइपीओ) निष्काशन गर्न बोर्डसँग अनुमति मागेको छ। कम्पनील स्थानीय र सर्वसाधारणका लागि एक अर्ब ५० करोड रुपैयाँ बराबरको आइपीओ निष्काशनको लागि बोर्डसँग अनुमति मागेको हो।